بوسقىنداردى تەپكىلەگەن وپەراتور ايەل جۇمىسىنان قۋىلدى - كەسكىن
جەرگىلىكتى ۇلتشىل تەلەارنانىڭ وپەراتورى ميگرانتتاردى جاس-كارىسىنە قاراماي، اياۋسىز ءارى قاساقانا تەپكىلەگەن. بۇگىن عالامتوردا پايدا بولعان بەينەتاسپا جۇرتتىڭ ىزاسىن تۋعىزدى. ال نورۆەگيالىق ميللياردەر كەرىسىنشە، ەل سۇيسىنەتىن قادامعا باردى.
روسكە قالاسىنداعى بوسقىندار لاگەرىنىڭ ماڭى ازان-قازان. ۋاقىتشا شاتىرلاردا تۇرعىسى كەلمەگەن ميگرانتتار اينالا قورشاعان پوليتسەيلەردىڭ شەبىن بۇزىپ، ەل استاناسى بۋداپەشتكە جەتۋگە اسىقتى. ونداعى ويلارى ءارى قاراي گەرمانياعا ءوتۋ. بالا-شاعانىڭ كوز جاسىن سۋداي اعىزعان كورىنىسكە قاراۋدىڭ ءوزى جان شىداتپايدى. ءبىراق مىنا كادرلار سوراقىلىعى جاعىنان بارىنەن دە اسىپ ءتۇستى. جەرگىلىكتى ۇلتشىل تەلەارنانىڭ وپەراتورى جانۇشىرا قارسى جۇگىرگەن ءبۇلدىرشىن قىزدى اياعىمەن تەپتى. وپەراتور مۇنىمەن قويماي، شيتتەي بالانى قاپسىرا قۇشاقتاپ، جانىنان جانتالاسا ءوتىپ بارا جاتقان ەگدە ادامدى اياعىنان شالىپ، شىر كوبەلەك اينالدىردى. وسى سۇمدىق كورىنىستەر عالامتورعا تاپ بولىپ، الەم جۇرتشىلىعىنىڭ اشۋ- ىزاسىن تۋدىردى. اقىرى وپەراتور قىزدىڭ تەپكىسى وزىنە تاياق بولىپ ءتيدى.
شابولچ كيسبەر، N1TV تەلەارناسىنىڭ باس رەداكتورى:
- ءبىزدىڭ ارىپتەسىمىز بۇگىن روسكە بوسقىندار لاگەرىندە ادەپسىز ارەكەت جاسادى. وپەراتور قىزدىڭ ەڭبەك كەلىسىمشارتى بۇگىننەن باستاپ مەرزىمىنەن بۇرىن كۇشىن جويدى. ءبىز بۇل ماسەلەگە نۇكتە قويدىق دەپ ەسەپتەيمىز.
www.24.kz
