قازاقستان جوعارى وقۋ ورىندارى قىرعىزستان ستۋدەنتتەرى اراسىندا سۇرانىسقا يە - قىرعىزستان ءمينيسترى

استانا. قازاقپارات - قازاقستان جوعارى وقۋ ورىندارى قىرعىزستاننان كەلگەن ستۋدەنتتەر اراسىندا تانىمال.

بۇل تۋرالى بۇگىن استانادا ت م د- عا قاتىسۋشى مەملەكەتتەردىڭ ءبىلىم بەرۋ سالاسىنداعى ىنتىماقتاستىعى جونىندەگى كەڭەس بارىسىندا تىلشىلەرگە بەرگەن سۇحباتىندا قىرعىزستان ءبىلىم جانە عىلىم ءمينيسترى ەلۆيرا ساريەۆا ءمالىم ەتتى.

«ت م د ەلدەرىندە ستۋدەنتتەردىڭ ەلەۋلى كولەمى رەسەيگە، سودان كەيىن قازاقستانعا بارادى. ياعني، وسى ەكى مەملەكەتكە ۇلكەن سۇرانىس بار. قازاقستان مەنەدجمەنت، ەكونوميكا جانە بولجاۋ ينستيتۋتى وتە ۇلكەن سۇرانىسقا يە بولىپ وتىر. اتاپ ايتقاندا، ستۋدەنتتەر ماماندىقتاردىڭ كەڭ اۋقىمىن تاڭداۋدا، الايدا نەگىزىنەن جاراتىلىستانۋ- عىلىمي باعىتتارعا كوبىنەسە نازار اۋدارىپ كەلەدى»، - دەدى ول.

ە. ساريەۆا قىرعىزستاننان قازاقستانعا كەلىپ وقىپ جاتقان ستۋدەنتتەردىڭ ناقتى سانىن ايتا المادى. ونىڭ پايىمىنشا، شامامەن 5 مىڭنان استام جاستار ەلىمىزدە ءبىلىم الۋدا.

ونىڭ سوزىنە قاراعاندا، قازاقستانداعى جوعارى وقۋ ورىندارى وزدەرىنىڭ جاقىندىعىمەن، قارجىلىق جاعىنان، ءبىلىم ساپاسىمەن جانە جۇمىسقا ورنالاسۋ جاعدايىمىن تارتىمدى بولۋدا.

اۆتور: رۋسلان عابباسوۆ