07:35, 09 - قىركۇيەك 2015 | GMT +5
سۋكەربەرگ الەمدەگى ەڭ ىقپالدى ادامدار رەيتينگىندە كوش باستاپ تۇر
استانا. قازاقپارات - Facebook الەۋمەتتىك جەلىسىنىڭ نەگىزىن سالۋشى مارك سۋكەربەرگ الەمدەگى ەڭ ىقپالدى ادامدار رەيتينگىندە كوش باستاپ تۇر. ول امەريكالىق Vanity Fair جۋرنالى جاريالاعان رەيتينگ بويىنشا 2015 - جىلدىڭ ەڭ ىقپالدى ادامى بولىپ تانىلدى.
باسىلىمنىڭ جازۋىنشا، بۇل تاڭعالارلىق وقيعا ەمەس، سەبەبى Facebook- ءتىڭ نەگىزىن قالاۋشى سۋكەربەرگ بىرنەشە ءىرى ب ا ق كومپانيالارىمەن كەلىسىمشارت جاساپ، ميللياردەر بولىپ ۇلگەرگەن.
سونداي- اق سۋكەربەرگ جەر شارىنداعى بارلىق ادامداردى ۆيرتۋالدى ومىردە بىرىكتىرۋدى جوسپارلاپ وتىر، دەپ جازادى شەتەلدىك ب ا ق.
«31 جاستاعى مارك سۋكەربەرگ ءوزىن تەك تاماشا كاسىپكەر رەتىندە عانا كورسەتىپ قويماي، بولاشاقتا ەڭ ءىرى كورپوراتيۆ ليدەرى بولا الادى»، - دەپ سانايدى جۋرنال رەداكتورى گرەيدون كارتەر.
ونىڭ ويىنشا، سۋكەربەرگ گارۆارد ۋنيۆەرسيتەتى جاتاقحاناسىنىڭ كىشكەنتاي عانا بولمەسىندە وتىرىپ- اق، ءوز بيزنەسىن 240 ميلليارد دوللار تۇراتىن ءىرى كومپانياعا اينالدىرا الۋى ونىڭ الەۋمەتتىك جەلى سالاسىنداعى جەتكەن جەتىستىكتەرىنىڭ العاشقى قادامى عانا.
