19:34, 08 - قىركۇيەك 2015 | GMT +6
رەسەي پرەمەر-ءمينيسترى: باسەكەلەس دەۆالۆاتسيا ەۋرازيالىق ەكونوميكالىق وداق ەكونوميكاسىنا قاۋىپ ءتوندىرۋى مۇمكىن
استانا. قازاقپارات - ە ا ە و ەلدەرى ۇلتتىق ۆاليۋتالاردىڭ باسەكەلەس دەۆالۆاتسياسىنا جول بەرمەۋى ءتيىس، سەبەبى بۇل ەكونوميكانىڭ ءبىرقاتار سالالارىندا كەرى زارداپتارعا اكەلىپ سوقتىرۋى مۇمكىن، دەپ مالىمدەدى ر ف پرەمەر-ءمينيسترى دميتري مەدۆەدەۆ، دەپ حابارلايدى ر ي ا نوۆوستي.
«ەكونوميكا جانە قارجى مينيسترلەرىنىڭ، ورتالىق بانكتەر باسشىلارىنىڭ 25 -تامىز كۇنى ماسكەۋدە وتكەن ءبىرىنشى كەزدەسۋىنىڭ ماڭىزدىلىعىن اتاپ وتكىم كەلەدى، ءبىز بۇل كەزدەسۋدى كەلىسكەن بولاتىنبىز. شەشىم ۇكىمەتارالىق كەڭەستىڭ بۇعان دەيىن وتكەن وتىرىسىندا قابىلدانعان، وسىنداي كەزدەسۋلەر تۇراقتى بولۋى مۇمكىن دەپ شامالاپ وتىرمىن»، - دەدى مەدۆەدەۆ.
«اعىمداعى جاعدايدا باسەكەلەس دەۆالۆاتسياعا جول بەرمەۋ، ۇلتتىق ۆاليۋتانىڭ السىرەۋى ەسەبىنەن قىزىقتىراتىن جايتتاردان كەتۋ، وزدەرى ءۇشىن سىرتقى ساۋدادا قىسقامەرزىمدىك باسىمدىقتاردى قۇرۋ بۇل تۇتاس ءبىرقاتار سالالاردىڭ تەڭگەرىمسىزدىگىنە اكەلىپ سوقتىرا الاتىن قاۋىپتى جول ەكەنى تۋرالى كەلىسۋشىلىككە قول جەتكىزىلدى»، - دەپ قوسىپ ءوتتى رەسەيلىك پرەمەر.
