ەكى قىزىن بەسىنشى قاباتتان لاقتىرىپ جىبەرگەن قايعىلى وقيعانىڭ ءمان- جايى
ەسكە سالا كەتەيىك، جاس انا بەسىنشى قاباتتاعى پاتەردىڭ تەرەزەسىنەن ەكى قىزىن لاقتىرىپ جىبەرىپ، ارتىنان ءوزى سەكىرگەن بولاتىن. العان جاراقاتتارىنان 8 جاستاعى قىز وقيعا ورنىندا كوز جۇمدى. ايەل مەن ءبىر جارىم جاستاعى ءسابي اۋرۋحاناعا جاتقىزىلدى. ەكەۋى دە قازىر جانساقتاۋ بولىمىندە.
وقيعا 5 - قىركۇيەك كۇنى ساتبايەۆ كوشەسىندەگى 109-ۇيدە بولعان. ايەل الدىمەن كىشى قىزىن لاقتىرىپ، ارتىنان ۇلكەن قىزىن لاقتىرۋعا تىرىسادى. كۋاگەرلەردىڭ ايتۋىنشا، 8 جاستاعى ايشا شاماسى كەلگەنىنشە قارسىلىق ءبىلدىرىپ، ايعايلاعان. ءبىراق اناسى پىشاق قولدانىپ، ونى اقىرى يتەرىپ قۇلاتقان.
"ءبىز ونىڭ قالاي يتەرگەنىن كوردىك. ول ءومىر سۇرگىسى كەلدى، مىقتاپ ۇستاپ الدى، ءبىراق ول يتەردى. بەسىنشى قابات، قۇتقارۋ مۇمكىن بولمادى"، - دەدى وقيعا كۋاگەرلەرىنىڭ ءبىرى.
"كىشكەنتاي بالانى، ارينە، ەكى جاستا، ول لاقتىرىپ جىبەردى. ول ەشتەڭەنى ءتۇسىنىپ تۇرعان جوق. ال ەكىنشىسى ءتۇسىنىپ تۇر، قارسىلىق بىلدىرە باستادى. ال ول پىشاقتاي باستادى. قىز قۇلاپ ءتۇستى"، - دەدى تاعى ءبىر كۋاگەر ليۋدميلا لۋكيانوۆا.
كىشى قىزدى دۇكەننىڭ كۇنقاعارى قۇتقارىپ قالدى. ءسابيدى كۋاگەرلەردىڭ ءبىرى - جىگىت الىپ ءتۇستى.
ەكى قىزىن بىردەي لاقتىرىپ جىبەرگەن 33 جاستاعى جادىرا ءوزى دە سەكىرىپ كەتتى. وقيعا كوپشىلىكتىڭ كوز الدىندا بولعان. ايەلگە بارلىعى ايعايلاپ، توقتاتۋىن ءوتىندى، ءبىراق ناتيجە بولمادى. "ءبارى كوردى، ول حيدجاب كيگەن. ول تۇردى دا، وقىدى، بىلمەيمىن.. . اسپانعا قاراپ بىردەڭەنى وقىپ، ءوزى دە سەكىرىپ كەتتى. ەڭ سوڭعى كەزەكتە"، - دەدى وقيعانىڭ كۋاگەرى.
تەلەارنانىڭ مالىمەتىنشە، ايەلدىڭ جولداسى الماتىداعى مەشىتتەردىڭ بىرىندە جۇمىس ىستەيدى، ال جادىرا كوشەگە حيدجابسىز شىقپاعان. وقيعا بولعان كەزدە وتاعاسى ۇيدە بولماپتى. ونىڭ قازىر قايدا ەكەنى - بەلگىسىز. بۇل وقيعاعا ەر ادامنىڭ قانشالىقتى قاتىسىنىڭ بار ەكەنى ازىرشە انىقتالعان جوق.
"ادامدار ولاردىڭ اراسىندا تۇرمىستىق وزبىرلىقتىڭ بولعانىن ايتاتىن. ۇنەمى شۋ، جانجال. ال وتكەن كۇنى كەشتە ايەل كومەك سۇراپ ءجۇردى دەيدى ادامدار"، - دەدى كۋاگەر ليۋدميلا لۋكيانوۆا.
الماتى پوليتسياسى ايەلگە قاتىستى سوتقا دەيىنگى تەرگەۋدى باستادى.
