08:06, 08 - قىركۇيەك 2015 | GMT +5
انگەلا مەركەل ميگرانتتاردىڭ توقتاۋسىز كەلۋى گەرمانيانى وزگەرتەدى دەپ ەسكەرتتى
استانا. قازاقپارات - كانتسلەر انگەلا مەركەل ەۋروپاعا ميگرانتتاردىڭ تولاسسىز اعىنى گەرمانيانى وزگەرتىپ جىبەرەتىنىن ەسكەرتتى، دەپ جازادى «بي-بي-سي» اگەنتتىگى.
كانسلەردىڭ ايتۋىنشا، گ ف ر بيلىگى بوسقىندارعا پانالايتىن ورىن دايىنداۋدى جەدەلدەتىپ، كومەك ءۇشىن قوسىمشا قاراجات بولەدى.
الايدا، گەرمانيا بۇل پروبلەمانى جالعىز ءوزى شەشە المايتىنىن ايتقان كانسلەر ە و- عا مۇشە مەملەكەتتەردى وسىنداي شارالار قولدانۋعا شاقىردى.
بۇعان دەيىن گ ف ر باسشىلىعى بوسقىندار ماسەلەسىنە 6 ميلليارد ەۋرو بولىنەتىنىن جاريالاعان. جوسپار بويىنشا ەلدە شامامەن 150 مىڭ ادامعا ارنالعان بوسقىندار ءۇشىن جاڭا لاگەرلەر سالىنادى. سونداي- اق، ءتىلدى مەڭگەرۋ جانە ميگرانتتاردى بىرىكتىرۋ باعدارلامالارىنا دا قوسىمشا قاراجات بولىنبەك.
قوسىمشا قارجىلاندىرۋ باعدارلاماسى پوليسيا قىزمەتكەرلەرى سانىنىڭ دا 3 مىڭ ادامعا كوبەيۋىن قاراستىرىپ وتىر.
