امەريكاندىق عالىمدار قازاق ونكولوگيا قىزمەتىن جوعارى باعالادى
13 شەتەلدىك عالىم 2 كۇن بويى قازاقستانداعى ونكولوگيا قىزمەتىن جانە ينستيتۋت جۇمىسىن باقىلاپ، وتاندىق ونكولوگيا قىزمەتىنىڭ قۇرىلىمى، قاتەرلى ىسىكتى ەرتە ساتىسىندا انىقتاۋ باعدارلامالارى جانە تىركەۋگە قويۋ جۇيەسىمەن تانىستى. قوناقتار سكرينينگ باعدارلامالارى بويىنشا دا وزگە قالالىق ەمحانالاردا بولىپ قايتتى.
ساپار سوڭىندا ا ق ش- تان كەلگەن دەلەگاتسيانى ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى الەكساندر سوي قابىلداپ، ەكىجاقتى كەلىسسوزدەر جۇرگىزىلدى. ناتيجەسىندە الداعى ۋاقىتتا ەكى ەل اراسىندا تىعىز قارىم- قاتىناس ورناپ، بىرىككەن جوبالار ىسكە اسىرىلاتىندىعى بەلگىلى بولدى.
UPMC ا ق ش- تاعى دەنساۋلىق ساقتاۋ سالاسىنداعى ۇزدىك ءارى كوممەرتسيالىق ەمەس ۇيىم. بۇل ۇيىم الەمدىك مەديتسينالىق مەكەمەلەر مەن ورتالىقتاردىڭ باسىن بىرىكتىرگەن. شتاتىندا 60 000 قىزمەتكەرى بار. جالپى 20 اۋرۋحانا قىزمەتىن ورتالىقتاندىرىپ وتىر. UPMC ناۋقاستار كۇتىمىن جاقسارتۋ مەن تيىمدىلىگىن ارتتىرۋ ءۇشىن جاڭا جۇيەلەردى ويلاپ تابۋمەن اينالىسادى.
ايتا كەتۋ كەرەك، امەريكاندىق ۇيىم استانا قالاسىندا ۇلتتىق عىلىمي ونكولوگيالىق ورتالىق قۇرۋ جوباسى بويىنشا نازاربايەۆ ۋنيۆەرسيتەتىنىڭ ستراتەگيالىق ارىپتەسى سانالادى. 2017 -جىلعا جوسپارلانعان جوبا ق ر پرەزيدەنتى نۇرسۇلتان نازاربايەۆتىڭ 2012 -جىلعى جولداۋى نەگىزىندە جۇزەگە اسپاق.
«جالپى UPMC دەلەگاتسياسى ەلىمىزدىڭ باس ونكولوگى، ونكولوگيا جانە راديولوگيا قازاق عىلىمي زەرتتەۋ ينستيتۋتىنىڭ ديرەكتورى قۋانىش نۇرعازيەۆكە جانە ءبىرقاتار ونكولوگ- ماماندارعا العىس ءبىلدىرىپ، وتاندىق ونكولوگيانىڭ بۇگىنگى دەڭگەيىن جوعارى باعالادى. ءبىزدىڭ قىزمەتىمىزدەگى وڭ وزگەرىستەردى اتاپ ايتتى. ودان بولەك، شەتەلدىك جانە وتاندىق ماماندار ەكى ەلدىڭ ونكولوگيا سالاسىنداعى ايىرماشىلىقتارىن دا ءسوز ەتتى. جيىن سوڭىندا بولاشاقتاعى ارىپتەستىك ماسەلەسى دە كۇن تارتىبىندە قارالدى»، - دەيدى قازاق ونكولوگيا جانە راديولوگيا عزي ديرەكتورىنىڭ ستراتەگيالىق ماسەلەلەر بويىنشا ورىنباسارى داۋلەت بايپەيىسوۆ.
رەسمي مالىمەتتەرگە سۇيەنسەك، 2015 -جىلدىڭ 1 -قاڭتارىنداعى ەسەپ بويىنشا قازاقستاندا 150436 ادام ونكواۋرۋلار بويىنشا ەسەپتە تۇر. 2013 -جىلى بۇل كورسەتكىش 146404 بولعان ەدى. قاتەرلى دەرتكە شالدىققاندار سانىنىڭ كوبەيۋى وبىردى العاشقى ساتىسىندا انىقتاۋ مۇمكىندىگىنىڭ ارتۋىمەن تىكەلەي بايلانىستى. جىل سايىن قاتەرلى ىسىكتەن 17000 مىڭ ادام كوز جۇمادى. ءولىم- ءجىتىم بويىنشا ونكولوگيالىق اۋرۋلار ەكىنشى ورىندا تۇر.
اۆتور: گۇلميرا عوسمانالي
