نازاربايەۆ: شارۋالارعا «كولحوزشى» بولىپ ءجۇرۋدى دوعارۋ قاجەت
مۇنداي ۇسىنىستى مەملەكەت باسشىسى اقمولا وبلىسىنداعى ەگىستىك القابىندا وتكىزگەن كەڭەيتىلگەن وتىرىس بارىسىندا جاسادى، ول ءۇش وبلىستىڭ اكىمىمەن كەزدەستى.
جيىن-تەرىم ناۋقانى باستالىپ كەتكەن بۇل وڭىردەگى جۇمىس ساپارى بارىسىندا پرەزيدەنت قازاقستان تاۋىلسىزدىگىن العانعا دەيىن شارۋالاردىڭ قالاي جۇمىس ىستەگەندەرىن ەسىنە ءتۇسىردى. «قازاقستاننىڭ ابىرويى ءوستى. بۇرىن (كەڭەس زامانىندا - اۆت. ) بارلىعى سۇرايتىن: نان وندىرۋشىلەردىڭ وزدەرى سۇرايتىن، ال ماسكەۋدەن نان سۇرايتىن. ال قازاقستاندىق بيدايدى ەكسپورتتاۋ تۇسكە دە كىرمەيتىن، ارمان دا بولمايتىن. ال ەندى قازاقستان الەمدەگى ەڭ ءىرى بيداي ەكسپورتتاۋشىلاردىڭ ءبىرى رەتىندە تانىمال. ءبىراق بۇل از. العا جىلجىپ، شارۋاشىلىقپەن اينالىسۋ كەرەك»، - دەدى مەملەكەت باسشىسى.
سونىمەن قاتار، ول قازاقستاندىق اۋىل شارۋاشىلىعى وندىرۋشىلەرىن ءوندىرىس قارقىنىن ۇلعايتۋعا شاقىردى. «زاماناۋي شارۋاشىلىقتا باعانى (ءونىمنىڭ) قالاي كوتەرۋ كەرەك؟ بارلىعىڭىز دا ەسەپتەي الاسىزدار: قانشا تاۋىق، قانشا جۇمىرتقا، ءسۇت، ەت، قانشا ەگىلدى نەمەسە ول قانشا تۇرادى. سوندىقتان «كولحوزشى» بولىپ جۇرگەندەرىڭىز جەتەدى. سىزدەر «كولحوزشى» ەمەسسىزدەر. ءبىزدى وكپەلەتتى مە؟ «كولحوزشى» دەگەن - وكپەلەتەتىن ءسوز. سىزدەر بۇرىننان ءوندىرۋشى، تاۋار وندىرۋشىلەرسىزدەر. اۋىلدا اۋىل شارۋاشىلىعى ۋنيۆەرسيتەتتەرىنىڭ بىلىمىمەن بارلىعى بىردەي ءبىلىمدى جاستار وتىر»، - دەدى نازاربايەۆ.
سونىمەن قاتار، ول شارۋالارعا «نەنىڭ قايدا بولىپ جاتقانىنا بەلسەندى تۇردە ارالاسىپ، جاقسى ۇلگى كورسەتۋگە» شاقىردى. پرەزيدەنت «ەلىمىزدىڭ ءار وڭىرىندە ۇزدىك شارۋاشىلىق ۇلگىسىنىڭ بار ەكەنىن» ايتتى.
نازاربايەۆ سونداي- اق، ەلىمىزدىڭ ەكونوميكاسىندا قيىندىقتاردىڭ بار ەكەنىن بيلىكتىڭ جاسىرمايتىنىن جەتكىزدى. نازاربايەۆ داعدارىستىڭ ەرتە مە، كەش پە اياقتالاتىنىن ايتتى. «ەلىمىز حالىقتى قامسىزداندىرۋ ءۇشىن بارلىعىن ىستەپ جاتىر»، - دەپ مالىمدەدى پرەزيدەنت.
