رەسەي عارىش تۋريستەرگە عارىش ايلاعىن اشپاق

 استانا. قازاقپارات - رەسەي عارىش بايقوڭىر (قازاقستان) جانە شىعىس (رەسەي) عارىش ايلاقتارىندا تۋريستىك باعىتتى دامىتۋعا نيەتتى، دەپ جازدى «يزۆەستيا» گازەتى.

مەملەكەتتىك كورپوراتسيا كەلۋشىلەرگە قىزمەت كورسەتپەيدى، مۇنىمەن تۋريستىك وپەراتورلار اينالىسادى دەپ كوزدەلگەن.

 رەسەي عارىشتىڭ رەسمي وكىلى يگور بۋرەنكوۆتىڭ سوزىنە قاراعاندا، قاجەتتى ينفراقۇرىلىمدىق وزگەرىستەردەن كەيىن تۋريستەرگە قىزمەت كورسەتەتىن وپەراتورلار اشىق تۇردە تاڭدالادى.

 lenta.ru حابارلاعانداي، بۋرەنكوۆ قازىر عارىش ايلاعىنا تۋريست رەتىندە بارۋعا بولاتىنىن، الايدا بۇل قيىنعا سوعاتىنىن اتاپ ءوتتى. «ەكسكۋرسيالار جۇيەلى تۇردە ەمەس، ۇشىرۋ بويىنشا قىزمەت كورسەتۋگە تارتىلعان كاسىپورىندارمەن كەلىسىمشارت بويىنشا ءبىر رەتتەن ۇيىمداستىرىلادى» ، - دەدى ول. سونداي- اق تۋريستەردى قابىلداۋعا ءتيىستى ينفراقۇرىلىم جوق. بايقوڭىردا ەكى قوناق ءۇي بار، الايدا ۇشىرۋ كەزىندە ولار لىق تولىپ كەتەدى.

 جەردەگى عارىش ينفراقۇرىلىمى نىساندارىن قولدانىسقا بەرۋ ورتالىعىندا ءمالىم ەتكەندەي، ينفراقۇرىلىم ماسەلەسىن الداعى ەكى جىلدا، استانادا وتەتىن «ەكسپو-2017» حالىقارالىق كورمەسىنە دەيىن شەشۋ كەرەك. «جۇزدەن استام ەلدەن ەكى- ءۇش ميلليون قوناق كەلەدى دەپ كۇتىلۋدە. ءبىر جۇيەگە كەلتىرىپ، مۇمكىندىكتەردى ءتيىستى دەڭگەيدە پايدالانۋعا بولادى»، - دەدى ورتالىق باس ديرەكتورىنىڭ م. ا. رانوحون دجۋرايەۆا.

ر ف پرەمەر- ءمينيسترى دميتريي مەدۆەديەۆ تامىز ايىندا شىعىسقا بارعاندا عارىش ايلاعىن تۋريستىك ورىنعا اينالدىرۋعا بولاتىندىعىن ايتقان، دەپ جازدى «ينتەرفاكس» .

 24 - تامىزدا رەسەيعارىش عارىش ايلاعىن دامىتۋعا 900 ميلليارد رۋبل ءبولۋدى سۇراعان. مەملەكەتتىك كورپوراتسيانىڭ عىلىمي- تەحنيكالىق كەڭەسى باسشىسى يۋريي كوپتيەۆتىڭ سوزىنە قاراعاندا، 560 ميلليارد شىعىستاعى ۇشىرۋ الاڭدارىنىڭ قۇرىلىسى مەن ونىڭ ينفراقۇرىلىمىن دامىتۋعا باعىتتالۋى ءتيىس.

فوتو: fastwalls.ru