بەلارۋس عالىمدارى ادامنىڭ گەنەتيكالىق پاسپورتىن ۇسىندى

دەپ حابارلادى www.24.kz.

 58 ينستيتۋت پەن ۇلتتىق عىلىم اكادەمياسىنىڭ عالىمدارى ويلاپ تاپقان 500 گە جۋىق يننوۆاتسيالىق جوبا بەلارۋس ەلىنە عانا ەمەس، جاھاندىق عىلىمعا قوسىلعان ۇلەس دەۋگە لايىق.

اتاپ ايتقاندا، عارىشتىق زەرتتەۋ، وزدىگىنەن باسقارىلاتىن اۆياتسيا جانە نانوماتەريالدار، كارتوپ، بيداي، ءسۇت ونىمدەرىنىڭ جاڭا تۇرلەرى كورمەگە كەلگەندەردىڭ قىزىعۋشىلىعىن وياتتى. ال ەلدىڭ ۇلتتىق عىلىمي اكادەمياسى ادامنىڭ گەنەتيكالىق پاسپورتىن ۇسىندى. وعان قازىردىڭ وزىندە كەز كەلگەن بەلارۋس ازاماتى تاپسىرىس بەرە الادى. ال كورمەگە جول تارتقان وزگە عىلىمي جاڭالىقتاردى عالىمدار وزدەرىندە عانا ەمەس، كورشى ەلدەردە دە قولدانىسقا ەنگىزۋدى كوزدەپ وتىر.

 «بۇل كورمەگە ءبىز ونەركاسىپ، وندىرىستەگى ارىپتەستەرىمىزدى قىزىقتىرۋى مۇمكىن دەگەن جوبالاردى عانا اكەلدىك. بۇگىنگى قوعامدا جاڭالىقتاردى اشىپ، كورسەتىپ قانا قويماي، كوممەرتسيامەن ۇشتاستىرا ءبىلۋ كەرەك»، - دەدى بەلارۋس رەسپۋبليكاسى ۇ ع ا پرەزيديۋم ءتوراعاسىنىڭ ورىنباسارى، اكادەميك سەرگەي كيلين.

فوتو:vseodetyah.com