بريتاندىقتاردىڭ باسىم بولىگى ەۋرووداقتان شىعۋدى قالايدى
ۇلىبريتانيانىڭ ە و- دا بولۋىن 40 پايىزى جاقتاسا، 17 پايىزى ناقتى شەشىم ايتا الماعان. ساۋالنامانىڭ ايقىندالماعان سانىن قوساتىن بولساق، ە و- دان شىعۋدى بىرىككەن كورولدىكتىڭ 51 پايىز ازاماتتارى قولدايتىنى بەلگىلى بولدى.
ساۋالناما ۇلى بريتانيا پەرمەر- ءمينيسترى دەۆيد كەمەروننىڭ ە و قۇرامىندا ەلدەردىڭ بولۋ ماسەلەسى بويىنشا قويىلعان سۇراقتى وزگەرتۋگە نيەتتى ەكەنى جايلى حابارلاعاننان كەيىن جۇرگىزىلدى. سۇراقتى وزگەرتۋ شەشىمىن ەلەكتورالدىق كوميسسيا ۇسىندى. ولار سۇراقتىڭ قازىرگى رەداكتسياسىن جەتكىلىكتى بەيتاراپتى ەمەس دەپ سانايدى. ول بىلاي: «بىرىككەن كورولدىككە ەۋروپالىق وداقتىڭ مۇشەسى بولۋ قاجەت پە؟».
ەلەكتورالدىق كوميسسيا سۇراقتى: «بىرىككەن كورولدىككە ەۋروپالىق وداق مۇشەسى بولىپ قالۋ كەرەك پە نەمەسە ودان شىعۋ كەرەك پە؟» دەپ باسقاشا قويۋدى ۇسىندى. بۇدان باسقا، كوميسسيا جاۋاپتار نۇسقاسىن «ءيا/جوق» دەگەننەن «ەۋروپالىق وداقتىڭ مۇشەسى بولىپ قالۋ» جانە «ەۋروپالىق وداقتان شىعۋ» دەپ كەڭەيتۋدى ۇسىندى.
ۇسىنىستى بىرىككەن كورولدىكتىڭ تاۋەلسىزدىك پارتياسىنىڭ (UKIP) كوشباسشىسى نايدجەل فارادج قولدادى. UKIP نەگىزگى تالاپتارىنىڭ ءبىرى ە و- دان شىعۋ بولىپ تابىلادى.
دەۆيد كەمەرون رەفەرەندۋم وتكىزۋ جوسپارىن 2015 -جىلعى مامىردا پرەمەر-مينيستر ورىنتاعىنا قايتا سايلانعاننان كەيىن بىردەن مالىمدەگەن. كونسەرۆاتيۆتىك پارتيانىڭ سايلاۋالدى باعدارلاماسىندا رەفەرەندۋمدى 2017 -جىلدىڭ سوڭىنا دەيىن وتكىزۋ ۇسىنىلعان، الايدا كەمەرون ونى 2016 -جىلى قازاندا وتكىزۋگە شاقىردى.
