بەلارۋس پرەزيدەنتتىگىنە كانديداتتار قۇجاتتار تاپسىرۋدا

استانا. قازاقپارات - بەلارۋس ورتالىق سايلاۋ كوميسسياسىنا ەل پرەزيدەنتتىگىنە كانديدات رەتىندە بەس ۇمىتكەردىڭ قۇجاتى تاپسىرىلدى، دەپ حابارلادى بەلتا.

تىركەۋگە تاتيانا كوروتكەۆيچ، سەرگەي گايدۋكەۆيچ، نيكولاي ۋلاحوۆيچ قۇجاتتار تاپسىردى. بۇگىن قازىرگى پرەزيدەنت الەكساندر لۋكاشەنكونىڭ قۇجاتتارى ۇسىنىلدى. سونداي-اق قاجەتتى 10 مىڭ سەنىمدى قولتاڭبا جيناي الماعان ۆيكتور تەرەشەنكو دا قۇجات تاپسىردى.

تىركەۋ كەزەڭىنە ناقتى ءتورت الەۋەتتى كانديدات تىركەلگەنى قول قويۋ پاراعىن تەكسەرۋ ناتيجەلەرىن جاريالاعاننان كەيىن بەلگىلى بولدى. الەكساندر لۋكاشەنكونى قولداپ قول قويعانداردىڭ سانى 1753380 (1761145 تاپسىرىلعان)، نيكولاي ۋلاحوۆيچتى - 149819 (159805 تاپسىرىلعان)، سەرگەي گايدۋكيەۆيچتى - 139877 (141842 تاپسىرىلعان)، تاتيانا كوروتكيەۆيچتى - 105278 (107299 تاپسىرىلعان) ادام قولداپ قول قويعان.

سايلاۋ كوميسسياسى كەلەسى كەزەڭدە جوعارى مەملەكەتتىك ورىنتاققا ۇمىتكەرلەردى تىركەيدى، ونى و س ك 11 -قىركۇيەكتە سايلاۋ الدى ۇگىتتەۋ مەن ناسيحاتتىڭ تولىق كەزەڭىن باستاۋ ءۇشىن 10 قىركۇيەكتە وتكىزۋدى جوسپارلاۋدا. ب ا ق- قا ءوز باعدارلامالارىن جاريالاعاننان باسقا ۇمىتكەرلەردىڭ 14-25 -قىركۇيەك ارالىعىندا «بەلارۋس» ارناسىنان تەگىن ءسوز سويلەۋگە مۇمكىندىكتەرى بار. بۇدان باسقا، ۇمىتكەرلەرگە جۇمىس كۇندەرى 21 -قىركۇيەك - 2 -قازان ارالىعىندا راديودا ءسوز سويلەۋگە ۋاقىت بەرىلەدى.

تەلە پىكىرسايىس 3 -قازاندا وتەدى.

بەلارۋستە پرەزيدەنتتىك سايلاۋ 11 -قازانعا بەلگىلەنگەن.