مينيستر تامارا دۇيسەنوۆانىڭ شتاتتان تىس شەتەلدىك كەڭەسشىلەرى تاعايىندالادى
اتالعان كەلىسىم ق ر دەنساۋلىق ساقتاۋ جانە الەۋمەتتىك دامۋ مينيسترلىگىندە (د س ءا م) وتكەن جۇمىس بارىسىنداعى كەزدەسۋلەردە ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا مەن بەلگىلى پروفەسسورلار اراسىندا جاسالدى، دەپ حابارلادى ۆەدومستۆونىڭ باسپا ءسوز قىزمەتىنەن.
الەكساندر ەگگەرمونتپەن بولعان كەزدەسۋدە ق ر د س ءا م ۇلتتىق عىلىمي- مەديتسينالىق ورتالىق بازاسىندا سۇيەك كەمىگىن ترانسپلانتاتسيالاۋ ءبولىمىن اشۋ، سونىمەن قاتار، پاتسيەنتتەردىڭ اۋرۋىن جەڭىلدەتۋ باعدارلامالارى، حيميوتەراپيانى دايىنداۋ مەن وتكىزۋ، حيميوتەراپياعا ارنالعان پرەپاراتتاردى جاساۋدىڭ ورتالىقتاندىرىلعان جۇيەسىن ەنگىزۋ ماسەلەلەرى تالقىلاندى.
سونداي- اق، كەزدەسۋ بارىسىندا تاراپتار تارگەتتىك تەراپيانى انىقتاۋ ماقساتىندا مولەكۋليارلى- گەنەتيكالىق، يممۋندى-گيستوحيميالىق زەرتتەۋلەردى جۇرگىزۋگە ارنالعان لابوراتوريانى اشۋ مۇمكىندىكتەرىن، مەملەكەتتىك جەكە مەنشىك سەرىكتەستىك اياسىندا ونكوكلينيكالاردى اشۋ، قازاقستاندىق مامانداردى MD/PHD جانە دوكتورانتۋرا باعدارلامالارى بويىنشا وقىتۋ ماسەلەلەرى قاراستىرىلدى.
گيۋنتەر حەنتسەمەن كەزدەسۋ بارىسىندا ق ر-داعى بالالاردىڭ ونكولوگيالىق قىزمەتىن جەتىلدىرۋ ءىسى تالقىلاندى. ونىڭ ىشىندە ونكولوگيامەن اۋىراتىن بالالار مەن ولاردىڭ اتا-انالارىنا ارنالعان پانسيوناتتار قۇرىلىسى، ولارعا پاللياتيۆتىك كومەك كورسەتۋدى جەتىلدىرۋ، كيل قالاسىنداعى (گەرمانيا) رەفەرەنس- لابوراتوريادا يممۋندىق- گيستوحيميالىق زەرتتەۋلەردى راستاۋ، ىسىكتەردى ۆيزۋاليزاتسيالاۋ ماقساتىندا رەسپۋبليكالىق بالالار مەديتسينالىق ۇيىمدارىن ساپالى ءارى زاماناۋي دياگنوستيكالىق اپپاراتتارمەن قامسىزداندىرۋ ءىسى تالقىلاندى.
كەزدەسۋلەردىڭ ناتيجەسىندە پروفەسسور الەكساندر ەگگەرمونت قازاقستانداعى ەرەسەكتەرگە ارنالعان ونكولوگيالىق قىزمەتتى دامىتۋ بويىنشا، ال پروفەسسور گيۋنتەر حەنسە قازاقستانداعى بالالار ونكولوگيالىق قىزمەتىن جەتىلدىرۋ ماسەلەلەرى بويىنشا كەڭەسشى قىزمەتىن اتقارۋ تۋرالى كەلىسىلدى. ق ر د س ءا د م بۇيرىعىمەن ەكى پروفەسسور ءمينيستردىڭ شتاتتان تىس كەڭەسشىلەرى بولىپ تاعايىندالادى.
