جەر قويناۋىن پايدالانۋ سالاسىنداعى اۋكسيونعا قاتىسۋعا وتىنىمدەر قابىلداۋ تۋرالى جاريالاندى

استانا.  قازاقپارات  -  ق ر   ينۆەستيتسيالار   جانە   دامۋ   مينيسترلىگى جەر   قويناۋىن   پايدالانۋ   سالاسىنداعى   اۋكتسيونعا   قاتىسۋعا   وتىنىمدەر   قابىلداۋدى   باستادى. «جەر   قويناۋى   جانە   جەر   قويناۋىن   پايدالانۋ   تۋرالى »   ق ر   زاڭىنا   بىلتىرعى   جىلدىڭ   اياعىندا   ەنگىزىلگەن   تۇزەتۋلەردىڭ   ناتيجەسىندە   جەر   قويناۋىن   پايدالانۋ   قۇقىعىن   بەرۋگە   اۋكتسيون   تۇرىندەگى   كونكۋرس   العاش   رەت   وتكىزىلەدى.

بۇل  -  الەۋەتتى   ينۆەستورلاردىڭ   اراسىنان   جەڭىمپازدى   انىقتاۋ   ماسەلەسىندەگى   اشىقتىقتى   قامتاماسىز   ەتەتىن   الەمدىك   تاجىريبەدەگى   تەتىكتەردىڭ   ءبىرى.

جەڭىمپازدى   انىقتاۋدىڭ   نەگىزگى   جانە   بىردەن   ءبىر   ولشەمى  -  قاتىسۋشىلاردىڭ   ىشىنەن   مولشەرى   ەڭ   جوعارى   قول   قويۋ   بونۋسىن   ۇسىنۋ  .  باسقا   ولشەمدەر   باسەكەلىك   ساۋدا - ساتتىق   وتكىزۋ   تۋرالى   حابارلاندىرۋدا   بەلگىلەنگەن   جانە   بارلىق   قاتىسۋشىلار   ءۇشىن   بىردەي.  مۇنىڭ   ءوزى   مەملەكەتكە   قول   قويۋ   بونۋس   رەتىندە   تولەنۋى   ءتيىس   سومانى   ۇلعايتۋعا   مۇمكىندىگى   بار   اۋكسيونعا   قاتىسۋشىلاردان   شاماسىنشا   مول   قاراجات   الۋعا   جول   اشادى،  سونداي - اق   جەڭىمپازدى   تاڭداۋدىڭ   بارىنشا   اشىق   جۇرگىزىلۋىن   قامتاماسىز   ەتەدى.

« جەر   قويناۋى   جانە   جەر   قويناۋىن   پايدالانۋ   تۋرالى  »  ق ر   زاڭىندا   اۋكسيوندى   وتكىزۋ   مەرزىمى   مەن   كەزەڭدەرى   قاتاڭ   تۇردە   شەكتەلگەن،  ياعني   مۇنىڭ   ءوزى   وبەكتيۆتى   سەبەپتەرسىز   ولشەمدەر   باسەكەلىك   ساۋدا - ساتتىق   وتكىزۋ   قورىتىندىسىن   ۇزاققا   سوزۋعا   مۇمكىندىك   بەرمەيدى  .  اۋكسيونعا   شىعارىلاتىن   قاتتى   پايدالى   قازبالار   بويىنشا   جەر   قويناۋى   ۋچاسكەلەرىنىڭ ( كوپ   تارالعان   پايدالى   قازبالار،  كومىر   مەن   ۋراندى   قوسپاعاندا)  تىزبەسى   ينۆەستيتسيالار   جانە   دامۋ   ءمينيسترىنىڭ    26.06.2015  ج  .  №  724  بۇيرىعىمەن   بەكىتىلگەن.

وسى   تىزبە   ولار   بويىنشا   بىلتىر   كونكۋرس   وتكىزىلمەگەن   نىساندار   جانە   ىقتيمال   جەر   قويناۋىن   پايدالانۋشىلاردىڭ   وتىنىمدەرى   بويىنشا   وبەكتىلەردەن   قالىپتاستىرىلدى .

بارلىعى  100  وبەكت   بەكىتىلدى ،  ونىڭ   ىشىندە 27- ءسى   ءوندىرۋ   جانە 73- ءى   بارلاۋ ،  ونىڭ   ىشىندە:

46- سى  -  التىنعا، 5- ءى  -  ءوندىرۋ   جانە 41- ءى  -  بارلاۋ؛

22- ءسى   ءتۇستى   مەتالدارعا ، 8- ءى   ءوندىرۋ   جانە 14- ءى   بارلاۋ؛

3- ءى   قارا   مەتالدارعا  ،  بارلىعى   دا   بارلاۋ؛

10- ى   سيرەك   كەزدەسەتىن   مەتالدارعا ، 5- ءى   ءوندىرۋ   جانە 5- ءى   بارلاۋ؛

10- ى   كەن   ەمەس   شيكىزاتقا ، 6- ى   ءوندىرۋ   جانە 4- ءى   بارلاۋ؛

1- ءى   الماستى   بارلاۋعا؛

2- ءى   بوكسيتتى   بارلاۋعا؛

4- ءى   جەراستى   سۋلارى   بويىنشا ، 2- ءى   ءوندىرۋ   جانە 2- ءى   بارلاۋ؛

2- ءى   ايشىقتى   تاستار   بارلاۋ.

اۋكسيوندى   وتكىزۋ،  سونداي - اق   ونى   وتكىزۋدىڭ   نەگىزگى   تالاپتارى   تۋرالى   حابارلامانى   مينيسترلىكتىڭ   رەسمي   سايتىندا   مىناداي   سىلتەمەدە: 

  http://mir.gov.kz/kk/news/  

ورنالاستىرىلعان .

اۋكسيونعا   قاتىسۋعا   وتىنىمدەر   بەرۋ   مەرزىمى: 2015  - جىلعى  1  - قىركۇيەكتەن   باستاپ  2015 - جىلعى  1 - قازانعا   دەيىن.  اۋكسيوننىڭ   قورىتىندىسىن   شىعارۋ  2015  - جىلعى  3 - جەلتوقسانعا   بەلگىلەنگەن.