استاناعا جاقىن جەردە «جاسىل» تەحنولوگيالار اكادەمياسى اشىلدى - فوتو

استانا. قازاقپارات - استانا قالاسىنان 30 شاقىرىم قاشىقتىقتاعى ارناساي اۋىلىندا بىرەگەي وقۋ ورنى اشىلدى. «جاسىل» تەحنولوگيالار» حالىق اكادەمياسى» ەندى قازاقستاندىقتارعا قۋات جانە سۋ ۇنەمدەۋدىڭ ءادىس- ءتاسىلىن ۇيرەتەتىن بولادى.  

اۋەل باستا بۇل ورتالىق زاناماۋني تەحنولوگيالاردى ەنگىزەتىن زەرتحانا رەتىندە قۇرىلعان. زەرتحانادا قۋات ۇنەمدەۋ، جىلىجايلاردى ءتيىمدى قۋاتپەن قامتاماسىز ەتۋ، «جاسىل» تەحنولوگيالار مەن قالدىقتاردى پايداعا اسىرۋ سالالارىندا ونداعان جوبالار جۇزەگە اسىرىلدى.    

  1050 شارشى مەتر اۋماقتى الىپ جاتقان مەكتەپتىڭ سىنىبى، 30 ورىنعا ارنالعان قوناق ءۇيى، اسحاناسى، فيتوديوتتى جىلىجايى بار. بۇل مەكتەپكە كەلگەن ادامدار «جاسىل» تەحنولوگيانىڭ نەشە ءتۇرلى ءادىس- تاسەلدەرىن ۇيرەنىپ، كەرەك كەڭەس الا الادى. اكادەميانىڭ ءدارىسىن تولىق اياقتاعان ادامعا ءتيىستى سەرتيفيكات بەرىلەدى.