تۇركى اكادەمياسى تۇركى حالىقتارىنا ورتاق گەوگرافيا مەن ادەبيەت وقۋلىقتارىنىڭ جالپى نۇسقاسىن دايىندادى
بۇل تۋرالى بۇگىن تۇركى كەڭەسى ءبىلىم مينيسترلەرىنىڭ 4- وتىرىسىندا حالىقارالىق تۇركى اكادەمياسىنىڭ پرەزيدەنتى دارحان قىدىرالى ءمالىم ەتتى.
«عىلىم مەن بىلىمدەگى بۇگىنگى ارىپتەستىك تۇركى الەمىن بولاشاققا باستايدى دەگەن ۇمىتتەمىز. ءبىز تۇركى كەڭەسىندە جانە مەملەكەت باسشىلارىنىڭ سامميتىندە قابىلدانعان شەشىمدەردى ءوز قال- قادىرىمىزشە ورىنداۋعا تىرىسىپ جاتىرمىز. بۇل ورايدا، ورتاق تۇركى تاريحى، ورتاق گەوگرافيا جانە ورتاق ادەبيەت وقۋلىعىنا بايلانىستى جۇمىستار جۇرگىزىلدى»، - دەدى ول.
سونىمەن قاتار ول باعدارلاما قابىلدانعان جاعدايدا وقۋلىقتى باستاۋعا دايىن ەكەندىكتەرىن اتاپ ءوتتى.
«قازىرگى ۋاقىتتا ونىڭ جالپى نۇسقاسى دايىن. سوندىقتان اكادەميانىڭ جۇمىسىنا قولداۋ كورسەتكەن قۇرىلتايشى مەملەكەتتەردىڭ بارلىعىنا راحمەت ايتامىز. ءبىلىم مينيسترلىكتەرى ءبىزدىڭ عىلىمي كەڭەستىڭ مۇشەلەرى بولعاندىقتان جالپى تۇركى اكادەمياسى تۇركى الەمىندەگى عىلىمي جوبالاردى، باسقا دا باستامالاردى وزدەرىڭىزدىڭ قولداۋلارىڭىزبەن ءارى قاراي جۇرگىزۋگە ءازىر»، - دەدى د. قىدىرالى.
