تۇركى اكادەمياسى «ورتاق تۇركى تاريحى» وقۋلىعىن ازىرلەدى - فوتو

استانا. قازاقپارات - حالىقارالىق تۇركى اكادەمياسى «ورتاق تۇركى تاريحى» وقۋلىعىن ازىرلەدى.

بۇل تۋرالى بۇگىن تۇركى كەڭەسى ءبىلىم مينيسترلەرىنىڭ 4- وتىرىسىندا ق ر ءبىلىم جانە عىلىم ءمينيسترى اسلان ءسارىنجىپوۆ ءمالىم ەتتى.

«اكادەميا ورتا جالپى ءبىلىم بەرەتىن مەكتەپتەردىڭ 8- سىنىپ وقۋشىلارىنا ارنالعان ورتاق تۇركى تاريحى بويىنشا باعدارلاما ازىرلەدى. بىزدەرگە ورتاق وقۋلىقتىڭ ودان ءارى جەتىلدىرە ءتۇسۋ قاجەت. وقۋلىق ەجەلگى داۋىردەن 15- عاسىرعا دەيىنگى كەزەڭدى قامتيدى»، - دەدى ول.

ءمينيستردىڭ اتاپ وتۋىنشە، وسىعان بايلانىستى جوعارى وقۋ ورىندارىنىڭ ستۋدەنتتەرىن الماستىرۋ باعدارلاماسى بويىنشا ىنتىماقتاستىق ماسەلەرىن تىڭعىلىقتى زەردەلەۋ قاجەت. «بۇل شارالار الدىڭعى قاتارلى تاجىريبەلەردى، ءبىلىمدى قابىلداپ، عىلىمي الەۋەتتىڭ دامۋ يگىلىگى ءۇشىن يدەيالاردى بولىسۋگە مۇمكىندىك بەرەدى. سونىمەن قاتار ول ءبىزدىڭ ەلدەرىمىزدىڭ ءبىلىم سالاسىنداعى ءوزارا ءىس- قيمىلىن ءبىرشاما ارتتىرا تۇسەتىن بولادى»، - دەدى ا. ءسارىنجىپوۆ.

ايتا كەتەيىك، كەشە ەلوردادا تۇركىتىلدەس ەلدەردىڭ ىنتىماقتاستىق كەڭەسىنىڭ ءبىلىم مينيسترلىكتەرى اعا لاۋازىمدى تۇلعالارىنىڭ 5- كەزدەسۋى وتكەن بولاتىن. وعان قازاقستان، ازەربايجان، قىرعىزستان، تۇركيانىڭ ءبىلىم بەرۋ سالاسىنىڭ 26 باسشىسى جانە تۇركى كەڭەسى مەن حالىقارالىق تۇركى اكادەمياسىنىڭ وكىلدەرى قاتىستى.