قازاقستاندىق جاستاردىڭ مەملەكەتتىك قىزمەتتە العا جىلجۋىنا مۇمكىندىك بار - م. قوجابايەۆ
ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ جامبىل وبلىسى بويىنشا دەپارتامەنتىندە حالىققا قۇقىقتىق كومەك كورسەتۋ ءۇشىن وبلىستىڭ سىبايلاس جەمقورلىققا قارسى قىزمەتىنىڭ باسشىسى ماقسات قوجابايەۆ پەن تارتىپتىك كەڭەس ءتوراعاسىنىڭ ورىنباسارى عالىم تۇرسىنوۆ، سونداي- اق «نۇر وتان» ج و ف باسشىسىنىڭ ورىنباسارى تىلەۋمۇرات شابدەن ازاماتتاردى جەكە قابىلدادى.
«پارتيانىڭ قابىلداۋىنا كەلگەن حالىقتىڭ كوپشىلىگى مەملەكەتتىك قىزمەتكە ورنالاسقىسى كەلەتىن جاستار، - دەدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ جامبىل وبلىسى بويىنشا دەپارتامەنتىنىڭ باسشىسى م. قوجابايەۆ.
- جاس قازاقستاندىقتاردىڭ مەملەكەتتىك اپپاراتقا دەگەن سەنىمى ارتقانى قۋانتتى، ولار «باكە- ساكە» كومەگىنسىز، زاڭدا بەلگىلەنگەن راسىمدەردەن ءوتىپ، مەمقىزمەتكە ورنالاسۋعا نيەتتى» .
م. قوجابايەۆ قابىلداۋعا كەلگەن جاس مامانداردى بەس ينستيتۋتسيونالدىق رەفورمالاردى ىسكە اسىرۋ جاعدايىندا مەملەكەتتىك قىزمەتتى جاڭعىرتۋ ماسەلەلەرى قىزىقتىراتىنىن ايتتى، اتاپ ايتقاندا، تومەنگى لاۋازىمنان ودان ءارى مانساپتىق ءوسۋ، مەملەكەتتىك قىزمەتتى اتتەستاتتاۋ، قويىلاتىن بىلىكتىلىك تالاپتارى، ەڭبەكاقى تولەۋ جانە قىزمەتتىك تۇرعىن ءۇي بەرۋ، بىلىكتىلىكتى ارتتىرۋ جانە مەملەكەتتىك قىزمەتشىنىڭ ەتيكا كودەكسى.
«بەلگىلى بولعانداي، مەملەكەت باسشىسى مەملەكەتتىك اپپارات رەفورماسىنا باسا ءمان بەرەدى. تاياۋ ونجىلدىققا نەگىزگى ستراتەگيالىق قۇجات بولىپ تابىلاتىن «100 قادام» بەس رەفورمالارىن ىسكە اسىرۋدا العاش رەت 15 قادام مەملەكەتتىك قىزمەتتى قايتا قۇرۋعا ارنالدى، - دەپ اتاپ ءوتتى ول.
- قابىلداۋدا مەملەكەتتىك اپپاراتتى قالىپتاستىرۋدى قوزعايتىن ءبىرىنشى رەفورمانىڭ اياسىندا مەملەكەتتىك قىزمەتكە تومەنگى لاۋازىمعا قابىلداۋدان باستاۋ ۇسىنىلاتىنى ءتۇسىندىرىلدى. مەملەكەتتىك قىزمەتكەرلەردىڭ قىزمەت ناتيجەلەرى ەسەپكە الىنىپ ولاردىڭ جالاقىسى ارتادى، قىزمەتتىك تۇرعىن ءۇي بەرىلەدى، الايدا وعان جەكەشەلەندىرۋ قۇقىعى بەرىلمەيدى. بۇل 15 قادام مەملەكەتتىك قىزمەتتى قازاقستاننىڭ الەمدەگى دامىعان 30 مەملەكەتتىڭ قاتارىنا كىرۋى بويىنشا جوسپارىن جۇزەگە اسىرۋعا ىقپال ەتەتىن اشىق تا باسەكەگە قابىلەتتى جۇيە بولۋى ءتيىس».
بۇدان باسقا، ازاماتتاردى قابىلداۋدا ساپالى مەملەكەتتىك قىزمەت الۋ، قۇقىق قورعاۋ ورگاندارىنا جۇمىسقا ورنالاسۋ، اۋىل شارۋاشىلىعى سالاسىنا گرانتتار الۋ ماسەلەلەرى قوزعالدى. بارلىق سۇراقتارعا ناقتى جاۋاپتار بەرىلدى، دەپ اتاپ ءوتتى ۆەدومستۆونىڭ باسپا ءسوز قىزمەتىنەن.
