كۇيەۋىن شىنجىرمەن بايلاپ تاستاعان ايەل ونىڭ اجال قۇشۋىنا سەبەپكەر بولدى

استانا. قازاقپارات - ر ف سايانوگورسك قالاسىندا تۇراتىن ايەل كۇيەۋىنىڭ اراق ىشپەسى ءۇشىن شىنجىرمەن بايلاپ تاستاعان. سالدارىنان ەر ادام اجال قۇشتى، دەپ حابارلايدى  وڭىرلىك ت ك تەرگەۋ باسقارماسىنان.

تەرگەۋشىلەردىڭ ايتۋىنشا، ايەل جۇمىسقا كەتەر الدىندا مەتالل شىنجىردىڭ ءبىر ۇشىن رادياتورعا بايلاپ، ەكىنشى ۇشىمەن كۇيەۋىن موينىنان وراپ، قۇلىپتاپ تاستايتىن بولعان. بايقۇستىڭ ءتىپتى ورنىنان قوزعالۋعا دا شاماسى كەلمەگەن.

ءبىر كۇنى جۇمىستان ورالعان ايەل ەرىنىڭ و دۇنيەگە اتتانىپ كەتكەنىنىڭ ۇستىنەن شىققان.

ونىڭ ايتۋىنشا، كۇيەۋى كوپ ىشكەن، ەش جەردە جۇمىس ىستەمەگەن. كەيدە دوستارىن ارالاپ، اپتالاپ جوعالىپ تا كەتكەن. سوندىقتان  تاعى دا اراققا سالىنىپ كەتپەسى ءۇشىن وسىنداي تىرلىككە بارۋعا ءماجبۇر بولعان كورىنەدى.

ايەلدىڭ ۇستىنەن  قىلمىستىق ءىس قوزعالدى.