كورنەكتى الاش قايراتكەرىنە ەسكەرتكىش ءمۇسىن ورناتىلدى - فوتو

كوكشەتاۋ. قازاقپارات - اقمولا وبلىسىندا كورنەكتى الاش قايراتكەرى شايمەردەن قوسشىعۇل ۇلىنا ەسكەرتكىش ءمۇسىنى ورناتىلدى.
None
None

ەڭبەكشىلدەر اۋدانى قوعام ورتا مەكتەبىنىڭ الدىنا ورناتىلعان ەسكەرتكىش- ءمۇسىننىڭ اشىلۋ راسىمىنە ۇلت زيالىسىنىڭ كەلىنى سارا شايمەردەنوۆا، اۋدان اكىمى اسقار قيىقوۆ جانە حالىقارالىق «الاش» ادەبي سىيلىعىنىڭ، رەسپۋبليكالىق ماحامبەت اتىنداعى سىيلىقتىڭ يەگەرى، قازاقستاننىڭ ەڭبەك سىڭىرگەن قايراتكەرى، كورنەكتى اقىن سەرىك تۇرعىنبەك ۇلى سياقتى وزگە دە تانىمال ازاماتتار قاتىسىپ، قىم- قۋىت، قيان- كەسكى زاماننىڭ ايگىلى اعارتۋشى ەسىمىن ەل ەسىنەن شىعارتا الماعاندىعىن جەتكىزدى.

ەسكە سالا كەتسەك، شايمەردەن قوسشىعۇل ۇلى جاستايىنان اۋىل مولداسىنان حات تانىپ، ناۋان حازىرەت مەدرەسەسى مەن بۇقارادا وقىعان. كەيىن ەسەيە كەلە ناۋرىزباي تالاس ۇلى مەشىتىنىڭ جانىنداعى ينتەرناتتا مۇعالىم بولعان. ءدال وسى كەز ونىڭ ءوز ۇستازىمەن بىرىگىپ، رەسەيدىڭ شوقىندىرۋ ساياساتىنا اشىق قارسى تۇرعان تۇسى ەدى. زامانىندا ۇلتىمىزدىڭ ۇلى پەرزەنتى ابايعا دا حات جازىپ، قازاق نامىسىن تاپتاتپاۋ جولىندا ورتاق كۇرەسكە ۇندەگەن اعارتۋشى كەيىن اباقتىعا جابىلعان. العاشىندا ورىس ءتىلىن بىلمەيتىندىگىنەن دەپۋتاتتىققا تىركەلمەي، ەكىنشى رەتتە مەملەكەتتىك دۋماعا حالىق قولداۋىمەن دەپۋتات بولىپ سايلانادى. باتىس سىبىرگە ايداۋعا جىبەرىلىپ، ياكۋتيادا جاپا شەكتى. ارتىنشا الاشورداشىلار اراعا ءتۇسىپ، ونى بوساتىپ الادى. پەتەربور مەن نيجني نوۆگورودتا بولىپ، جالپى رەسەيلىك مۇسىلماندار سەزىنە قاتىسادى. تۇركياعا بارىپ، سول ەلدىڭ تانىمال گازەتى ارقىلى  IIنيكولايعا مالىمدەمە جاسايدى. بەرتىن جالامەن پەتروپاۆل تۇرمەسىنە قامالىپ، 1942 -جىلى دۇنيەدەن ءوتتى.

2

3

4

5


اۆتور: اسلان وسپانوۆ

سوڭعى جاڭالىقتار