ءماجىلىس پارلامەنتتەگى ايەل دەپۋتاتتار باستاماشى بولعان جەتىمدەر تۋرالى زاڭ جوباسىن قاراۋعا الدى
بۇل تۋرالى بۇگىن تاعدىر تالكەگىنە تۇسكەن بالالاردى زورلىق- زومبىلىقتان قورعاۋ جانە ولاردىڭ قۇقىقتارىن ساقتاۋ ماسەلەلەرى جونىندەگى ورتاازيالىق ديالوگ بارىسىندا ءماجىلىس دەپۋتاتى راحمەت مۇقاشيەۆ ءمالىم ەتتى.
«يۋۆەنالدى ادىلەت ماسەلەلەرى ەلىمىزدىڭ زاڭناماسىن دامىتۋداعى وزەكتى باعىتتىڭ بىرى. زاڭنامانى دامىتۋدا زاڭعا قايشى ارەكەت جاساعان بالالاردىڭ ءوزىن قورعاۋعا نازار اۋدارعىزعان اكتىلەردى اتاپ وتۋگە بولادى. بۇل رەتتە دەپۋتاتتار جاڭا زاڭ جوبالارىن ازىرلەۋ ارقىلى وسى سالاعا كوپ كوڭىل اۋدارىپ كەلەدى»، - دەي كەلە، ءماجىلىس دەپۋتاتى جۋىردا قابىلدانعان زاڭدارعا توقتالدى.
«جۋىردا قابىلدانعان زاڭدار تۋرالى ايتاتىن بولساق، وتباسىداعى زورلىق- زومبىلىقتىڭ الدىن الۋ جانە ماسەلەنى شەشۋدە دەپۋتاتتار قولعا العان تۇرمىستىق زورلىق- زومبىلىق ماسەلەلەرى جونىندەگى زاڭ جوباسى ۇلكەن جەتىستىك بولدى. ال، ەڭ تومەنگى الەۋمەتتىك ستاندارتتار تۋرالى زاڭ جوباسىندا بالالاردىڭ الەۋمەتتىك قۇقىقتارىنا كوڭىل بولىنگەن. ءماجىلىس پارلامەنتتەگى ايەل دەپۋتاتتار باستاماشى بولعان جەتىم جانە اتا- اناسىنىڭ قامقورلىعىنسىز قالعان بالالارعا قاتىستى زاڭ جوباسىن قاراۋعا الدى»، - دەپ حابارلادى ول.
اۆتور: كەنجەكەي توقتامۇرات قىزى
