استانادا تۇركى كەڭەسى ءبىلىم مينيسترلىكتەرىنىڭ باسشىلارى جالپى تۇركىلىك تاريح وقۋلىقتارىن دايارلاۋ جايىن تالقىلايدى

دەپ حابارلادى بەيىندىك ۆەدومستۆونىڭ باسپا ءسوز قىزمەتى.
4 - قىركۇيەكتە وتەتىن تۇركى تىلدەس مەملەكەتتەردىڭ ىنتىماقتاستىق كەڭەسىنىڭ ءبىلىم مينيسترلىكتەرىنىڭ جوعارى لاۋازىمدى تۇلعالارىنىڭ V كەزدەسۋىنە ءازىربايجاننىڭ، قازاقستاننىڭ، قىرعىزستاننىڭ، تۇركيانىڭ ءبىلىم بەرۋ سالاسىنىڭ 26 باسشىسى جانە تۇركى كەڭەسىنىڭ وكىلدەرى قاتىسادى.
سەنبىدە، 5 - قىركۇيەكتە، تۇركى كەڭەسىنىڭ ءبىلىم مينيسترلەرىنىڭ IV وتىرىسى وتەدى. وتىرىسقا قازاقستان رەسپۋبليكاسى ءبىلىم جانە عىلىم ءمينيسترى اسلان ءسارىنجىپوۆ، تۇركى كەڭەسىنىڭ باس حاتشىسى راميل حاسانوۆ، ءازىربايجان رەسپۋبليكاسى ءبىلىم جانە عىلىم ءمينيسترىنىڭ ورىنباسارى فيرۋدين گۋربانوۆ، قىرعىز رەسپۋبليكاسى ءبىلىم جانە عىلىم ءمينيسترىنىڭ ورىنباسارى ادىلەت بەكبويەۆ، تۇركيانىڭ ۇلتتىق ءبىلىم بەرۋ ءمينيسترى نابي اۆدجى قاتىسادى.
كەڭەستىڭ قاتىسۋشىلارى باعدارلامالاردىڭ مازمۇنى جانە جالپى تۇركى تاريحى وقۋلىقتارىن دايىنداۋ (15 - عاسىرعا دەيىنگى كەزەڭ جانە 15 - عاسىردان 21 - عاسىرعا دەيىنگى كەزەڭ ارالىعى)، گەوگرافيا مەن ادەبيەت بويىنشا ءبىرقاتار ماسەلەلەردى تالقىلايدى. قازىر وقۋلىقتار ازىرلەنۋ ساتىسىندا، مۇشە- ەلدەر باعدارلامانى قايتا قاراۋ جانە مازمۇنى تۋرالى ءوز ۇسىنىستارىن ەنگىزۋدە. وڭدەۋ اياقتالعاننان كەيىن وقۋلىقتار مەكتەپ باعدارلاماسىنا ەنگىزىلەدى.
تۇركى كەڭەسى ەلدەرىنىڭ وكىلدەرى ودان ءارى ورتا مەكتەپتەر مەن جوعارى وقۋ ورىندارىنىڭ ستۋدەنتتەرىن الماستىرۋدىڭ باعدارلاماسىن جانە قارجىلىق جاعىن قاراستىرادى. تۇرىك رەسپۋبليكاسى وسى جوبانى ىسكە اسىرۋشى العاشقى مەملەكەت بولماق. سونداي- اق، ءبىلىم بەرۋ سالاسىنىڭ باسشىلارى تۇركى اكادەمياسى مەن تۇركى تىلدەس ەلدەر ۋنيۆەرسيتەتتەرىنىڭ وداعى اراسىنداعى ىنتىماقتاستىقتىڭ شارتتارىن جانە باسقا دا ماسەلەلەردى تالقىلايدى.
تۇركى تىلدەس مەملەكەتتەردىڭ ىنتىماقتاستىق كەڭەسى - قازىرگى زامانعى تۇركى مەملەكەتتەرىن بىرىكتىرەتىن، نەگىزگى ماقساتى مۇشە مەملەكەتتەردىڭ اراسىنداعى جان- جاقتى ىنتىماقتاستىقتى دامىتۋ بولىپ تابىلاتىن حالىقارالىق ۇيىم. تۇركى كەڭەسى 2009 - جىلعى 3 - قازاندا ءازىربايجاندا، ناحچىۆان قالاسىندا قۇرىلدى. تۇركى كەڭەسىنىڭ مۇشەلەرى: ءازىربايجان، قازاقستان، قىرعىزستان، تۇرىكمەنستان، تۇركيا.
حالىقارالىق تۇركى اكادەمياسى. 2009 - جىلعى 3 - قازاندا ءازىربايجانداعى تۇركى تىلدەس مەملەكەتتەردىڭ باسشىلارىنىڭ Ⅸ سامميتىندە، ق ر پرەزيدەنتى نۇرسۇلتان نازاربايەۆ، تۇركى الەمىن زەرتتەۋ ماقساتىندا عىلىمي ورتالىق قۇرۋ تۋرالى ۇسىنىس ەنگىزدى. 2010 - جىلعى 25 - مامىردا استاناداعى بەيبىتشىلىك جانە كەلىسىم سارايىندا تۇركى اكادەمياسى اشىلدى.