پۋتين: سانكسيالار ماسكەۋ مەن پەكيندى جاقىنداتتى

استانا. قازاقپارات - باتىس ەلدەرىنىڭ رەسەيگە قاتىستى سانكسيالارى رەسەيلىك بيزنەستى قىتايمەن بايلانىستى تەرەڭدەتۋگە ىنتالاندىردى دەپ مالىمدەدى سەيسەنبىدە، قىتايعا ەكى كۇندىك رەسمي ساپارى قارساڭىندا رەسەي پرەزيدەنتى ۆلاديمير پۋتين.

«بۇل ءبىزدىڭ وتاندىق بيزنەستى قىتايمەن تۇراقتى ىسكەرلىك بايلانىستاردى دامىتۋعا ىنتالاندىرادى. 2010 -جىلدان بەرى قىتاي رەسەيدىڭ نەگىزگى ساۋدا ارىپتەسى بولىپ تابىلادى. 2014 - جىلى، الەمدىك ەكونوميكاداعى قولايسىز ۇردىستەرگە قاراماستان، ءبىز [ەكى ەل اراسىندا] ساۋدا اينالىمىن كەمىتپەۋگە قول جەتكىزە الدىق، ونىڭ كولەمى 88,4 ميلليارد دوللاردى قۇرادى» دەپ مالىمدەگەن پۋتين رەسەيلىك ت ا س س جانە قىتايلىق Xinhua اگەنتتىكتەرىنە سۇحباتىندا.

پۋتين بۇل جولعى قىتايعا ساپارى بارىسىندا ماسكەۋ مەن پەكين اراسىندا جاسالىنعالى وتىرعان 30 عا جۋىق ەكىجاقتى كەلىسىمدەر قانداي سالالاردى قامتيتىنىن ايتقان. ونىڭ سوزىنشە، پەكينمەن ارىپتەستىكتىڭ باستى باعىتتاردىڭ ءبىرى - اسا شاپشاڭ پويەز ماگيسترالى قۇرىلىسىن قارجىلاندىرۋ بولماق. پۋتين ەكى ەلدىڭ ا ق ش دوللارىن پايدالانباي، وزدەرىنىڭ ۇلتتىق ۆاليۋتالارىمەن ءوزارا ەسەپ ايىرىسۋدى ەنگىزۋ ماسەلەسىن دە تالقىلاپ جاتقاندارىن ايتقان.

الەمدە شيكىزاتقا، سونىڭ ىشىندە مۇنايعا قاتىستى ساۋدا كەلىسىمدەرىن ا ق ش دوللارىمەن جۇرگىزۋ ەرەجەسىنىڭ قالىپتاسۋى دوللاردىڭ الەمدىك رەزەرۆتىك ۆاليۋتا رەتىندە قولدانىستا بولۋىن قامتاماسىز ەتىپ وتىر. بۇعان دەيىن ماسكەۋ مەن پەكين وسى قالىپتاسقان ەرەجەنى وزگەرتكىسى كەلەتىندەرىن مالىمدەگەن ەدى.

«ازاتتىق» سايتى