شي جينپيڭ: قىتاي ۇستەمدىككە ۇمتىلمايدى
شي جينپيڭ بۇگىنگى پارادقا قاتىسقان قىتايدىڭ جوعارى لاۋازىمدى تۇلعالارى مەن ءبىرقاتار شەت مەملەكەتتەر باسشىلارى جانە حالىقارالىق ۇيىمدار جەتەكشىلەرى الدىندا سويلەگەن. ولاردىڭ اراسىندا قازاقستان پرەزيدەنتى نۇرسۇلتان نازاربايەۆ، رەسەي پرەزيدەنتى ۆلاديمير پۋتين جانە باسقالار بار.
شي جينپيڭ سونىمەن بىرگە قىتاي ارمياسىنداعى اسكەريلەر سانى 300 مىڭ ادامعا قىسقاراتىنى تۋرالى مالىمدەگەن. ءبىراق، قىسقارتۋ مەرزىمى قاي كەزەڭگە دەيىن جوسپارلانىپ وتىرعانى جايلى ناقتى ايتپاعان.
قازىرگى كەزدە الەمدە سانى جاعىنان ەڭ ۇلكەن قىتاي ارمياسى ساپىندا 2,3 ميلليونعا دەيىن ادام بار. قىتاي قورعانىس بيۋدجەتى كولەمى جاعىنان الەمدە ا ق ش- تان كەيىنگى ەكىنشى ورىندا تۇر.
پەكيندەگى پارادقا 12 مىڭداي قىتاي اسكەري قىزمەتشىلەرى جانە 200 گە جۋىق اسكەري تەحنيكا تۇرلەرى قاتىسقان. قىتاي بيلىگىنىڭ مالىمدەۋىنشە، وتاندىق قارۋ- جاراق سوڭعى ۇلگىدەگى تەحنولوگيالاردىڭ كومەگىمەن جاسالعان. سونىمەن بىرگە، پەكيندەگى بۇگىنگى پارادقا مىڭعا جۋىق شەتەلدىك اسكەريلەر اراسىندا قازاقستان اسكەري قىزمەتكەرلەرى دە قاتىسقان.
«ازاتتىق» سايتى
