ق ر مەن ا ق ش يراك پەن سيريادا سوعىسىپ جاتقان قازاقستاندىقتاردىڭ سانى تۋرالى اقپاراتپەن الماسۋدا - د. شير
بۇل تۋرالى استانادا قازاقستاندىق ب ا ق ءۇشىن ۇيىمداستىرىلعان بريفينگتە ا ق ش قورعانىس ءمينيسترىنىڭ كومەكشىسى دەۆيد شير حابارلادى.
د. شيردىڭ ايتۋىنشا، ا ق ش قازاقستاننىڭ جانە ءوڭىردىڭ باسقا ەلدەرىنىڭ كۇش ۆەدومستۆولارىنداعى ارىپتەستەرىمەن يراك پەن سيرياداعى «يسلام مەملەكەتىنىڭ» قىزمەتى تۋرالى، راديكالدىق ەكسترەميستەر جاعىندا سوعىسىپ جاتقان وسى ەلدەردىڭ ازاماتتارى جايلى اقپارات الماسادى.
«ءبىز اۋعانستانداعى «يسلام مەملەكەتىنىڭ» قىزمەتىن ءجىتى باقىلاپ وتىرمىز. قازىرگى ساتتە ولار (لاڭكەستەر) جۇيەلى قاۋىپ ءتوندىرىپ تۇرعان جوق. اۋعانستانداعى ي م مۇشەلەرىنىڭ باسىم بولىگى وسى ۇيىمدى قانداي دا ءبىر سەبەپتەرمەن تاستاپ كەتكەن «تاليبان» مۇشەلەرى ەكەنىن اتاپ وتەمىز»، - دەدى د. شير.
ا ق ش اۋعاندىق قاۋىپسىزدىك كۇشتەرىمەن بىرلەسىپ ەكسترەميستەر اۋعانستان مەن ورتالىق ازيانىڭ باسقا دا ەلدەرىنە قاۋىپ اكەلمەۋى ءۇشىن «يسلام مەملەكەتىمەن» ءتيىمدى كۇرەس جۇرگىزۋدە. وسى باعىتتا قازاقستاندىق تاراپپەن دە ىنتىماقتاستىقتى جالعاستىرمىز دەگەن سەنىمدەمىن»، - دەدى ول.
