قازاقستانعا ا ق ش قورعانىس ءمينيسترىنىڭ كومەكشىسى دەۆيد شير كەلدى
پەنتاگوننىڭ جوعارىدا تۇرعان وكىلى استانادا ق ر پرەمەر- ءمينيسترى كارىم ماسىموۆپەن، ق ر قورعانىس مينيسترلىگى باس شتابىنىڭ باستىعى ساكەن جانۇزاقوۆپەن جانە ق ر س ءى م باسشىسىمەن كەزدەسكەنىن مالىمدەدى.
د. شيردىڭ ايتۋىنشا، ول قازاقستاندىق وكىلدەرمەن اۋعانستانداعى اعىمداعى جاعدايدى تالقىلادى. ا ق ش اۋعانستاننان امەريكالىق كونتينگەنتتىڭ تاياۋدا شىعاتىنىن ەسكەرىپ، استانامەن ىنتىماقتاستىقتى جالعاستىرۋعا تۇراقتى مۇددەلىلىگىن راستادى.
د. شير قازاقستان ازياداعى مىقتى ارىپتەستەردىڭ ءبىرى ەكەنىن اتاپ ءوتتى. ازيا ماتەريگى جايلى ايتا كەلە، ا ق ش قورعانىس ءمينيسترىنىڭ كومەكشىسى ولاردىڭ تۇسىنىگىندە بۇل ءوڭىر كاسپي تەڭىزىنەن تىنىق مۇحيتىنداعى گۋام ارالىنا دەيىن ەكەنىن اتاپ ءوتتى.
د. شيردىڭ ايتۋىنشا، بۇل - ونىڭ ءبىزدىڭ ەلگە العاشقى ساپارى. قازاقستاننان باسقا ا ق ش وكىلى قىتاي مەن ءۇندىستانعا بارماق. «بۇل وسى وڭىردەگى (ازيا) ەڭ ماڭىزدى ءۇش ەل. ءبىزدىڭ كونتينگەت اۋعانستاننان شىققاننان كەيىن قازاقستان ا ق ش- تىڭ ورتالىق ازياداعى ماڭىزدى ارىپتەسى بولىپ قالادى»، - دەدى ول.
«ا ق ش قازاقستاننىڭ گۇلدەنگەن تاۋەلسىز، دەربەس ەل بولىپ قالا بەرگەنىن قالايدى. ءبىز قازاقستاننىڭ ەگەمەندىگى مەن اۋماقتىق تۇتاستىعىن قولدايمىز. ا ق ش پەن قازاقستان ەكى ەلدىڭ اسكەري ۆەدومستۆولارىنىڭ بەسجىلدىق جوسپارىنىڭ نەگىزىندە قورعانىس ۆەدومستۆولارى جەلىسى بويىنشا ءتيىمدى ىنتىماقتاسىپ كەلەدى. بىتىمگەرلىك كۇشتەر الەۋەتىن دامىت، قازاقستاندىق اسكەردى كاسىبيلەندىرۋ ماقساتتارى قولعا الىنۋدا. اتاپ ايتقاندا، ا ق ش وتاندىق اسكەري كاسىبي مامانداردى دايىنداۋ مەن وقىتۋعا، كونترەرروريستىك الەۋەتتى نىعايتۋعا جاردەمدەسەدى. بۇل كۇن ءتارتىبى ەكى ەل ءۇشىن دە وتە ماڭىزدى»، - دەپ قوستى د. شير.
