قازاق حاندىعى تۋرالى فيلمنىڭ العاشقى سەريالارى جەلتوقسانعا قاراي شىعادى
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى اقتوتى رايىمقۇلوۆا ءمالىم ەتتى.
«وزدەرىڭىز بىلەسىزدەر، كينو ءوندىرىسى وتە كۇردەلى. ونىڭ دايىندىق، ءتۇسىرۋ مەرزىمدەرى بار. ءبىزدىڭ ۇلكەن جوبامىز، ياعني قازاق حاندىعى تۋرالى سەريال دايىندىق مەرزىمىنەن ءوتىپ، بۇگىندە كينو وندىرىسكە تۇسىرىلىمدەر باستالىپ جاتىر. سوندىقتان قاراجات شەگىندە جوسپارلانعان شارالار بويىنشا جۇمىستار جۇرۋدە. جەلتوقسانعا قاراي ءبىرىنشى سەريالاردى كورەمىز دەگەن ۇمىتتەمىز»، - دەدى دەپارتامەنت باسشىسى.
بۇدان بۇرىن حابارلانعانداي، جوبانىڭ قويىلىمى قيىن جانە ونى جۇزەگە اسىرۋ ءۇشىن اۋقىمدى جۇمىستار اتقارىلدى. بۇل تۇرعىدا دەكوراتسيالىق، پاۆيلوندىق، ينتەرەرلىك جانە ەكستەرەرلىك نىسانداردى جاساۋ قاراستىرىلعان. ونىڭ ىشىندە سىعاناق، سوزاق قامالدارىن، المالىق قالاسىن، حانداردىڭ سارايلارى مەن وزگە دە ءتۇسىرىلىم نىساندارىن، كيىمدەردى تىگۋ، قاجەتتى بۇيىمدار مەن ات ابزەلدەرىن دايارلاۋ، قارۋ- جاراق، كومپيۋتەرلىك گرافيكانى ازىرلەۋ جانە باسقا دا شارالاردى ىسكە اسىرۋ جۇمىستارى بار.
ايتا كەتەيىك، «قازاق ەلى» تۋىندىسىنىڭ رەجيسسەرى - رۇستەم ابدىراشيەۆ.
اۆتور: رۋسلان عابباسوۆ
