ەۋروپا ەڭىرەپ وتىر

استانا. قازاقپارات - فرانسيا، يتاليا جانە گەرمانيانىڭ سىرتقى ىستەر مينيسترلەرى ەۋرووداقتىڭ ميگرانتتارعا باسپانا بەرۋ تۋرالى قولدانىستاعى ەرەجەلەرىن قايتا قاراۋدى تالاپ ەتەتىن بىرلەسكەن قۇجاتقا قول قويدى.

قۇجاتتا بۇگىنگى تاڭدا ەۋروپاعا اعىلعان بوسقىنداردىڭ كوپتىگى مەن قالىپتاسىپ وتىرعان جاعداي ەۋرووداقتىڭ ميگرانتتاردى قابىلداۋعا قاتىستى ەرەجەلەرىنىڭ وسالدىعىن ايقىن كورسەتىپ وتىرعانى باسا ايتىلعان. سول سەبەپتى ءۇش ەلدىڭ سىرتقى ىستەر مينيسترلەرى ەرەجەلەردىڭ قايتا قارالعانىن تالاپ ەتىپ وتىر. بۇل ماسەلە ليۋكسەمبۋرگتە 4-5 -قىركۇيەكتە وتەتىن ە و- عا مۇشە مەملەكەتتەر سىرتقى ىستەر مينيسترلەرىنىڭ وتىرىسىندا كوتەرىلەدى دەپ كۇتىلۋدە.

سوڭعى كەزدەرى افريكا، تاياۋ شىعىس پەن سيرياداعى تۇراقسىزدىققا بايلانىستى يتاليا مەن گرەكياعا باس ساۋعالاپ قاشقان بوسقىندار سانى كۇرت ارتتى.

 BNews.kz