10:06, 04 - قىركۇيەك 2015 | GMT +5
قازاقستاندىق ديزاينەر تەڭگەنىڭ سۋرەتى بار كيىمدەر شىعاردى
استانا. قازاقپارات - قازاقستاندىق ديزاينەر كاميلا قۇرباني تەڭگەنىڭ سۋرەتى بار سۆيتشوتتار شىعاردى، - دەپ حابارلايدى Tengrinews.kz ءتىلشىسى.
قازاقستان تابيعاتى، قالا ساۋلەتتەرى تۋرالى پاتريوتتىق سۋرەتتەرى بار كيىمدەرىنەن كەيىن كاميلا قۇرباني ۇلتتىق ۆاليۋتانىڭ 1993 -جىلعى ۇلگىلەرىن قولدانۋدى ۇيعارىپتى. «ءبىزدىڭ ەسكى تەڭگەلەرىمىزدە قاھارماندارىمىزدىڭ سۋرەتى بار - ابىلاي حاننىڭ، قۇرمانعازىنىڭ، ءال-فارابيدىڭ، اباي قۇنانبايەۆتىڭ - جاس ۇرپاق ۇمىتپاۋى ءۇشىن پاتريوتيزمدى ساقتاپ قالعىم كەلدى»، - دەيدى ديزاينەر.
سۆيتشوتتار تابيعي ماقتادان جاسالعان، ونى ديزاينەر شەتەلدەن ارنايى الدىرعان. مۇنداي كيىمنىڭ قۇنى - 25 مىڭ تەڭگە.
