12:46, 03 - قىركۇيەك 2015 | GMT +5
وتىز مىڭ تەڭگە پارا العانى ءۇشىن ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى
استانا. قازاقپارات - سەمەي قالاسىنىڭ №2 -سوتى مەملەكەتتىك سوت ورىنداۋشىسى ە. ساياتوۆتى ايىپتاۋعا قاتىستى قىلمىستىق ءىستى قارادى.
ول لاۋازىمدى تۇلعا بولا تۇرا، اعىمداعى جىلدىڭ 22 -شىلدەسىندە ازامات م. مۇستافاعاليەۆتان قارىزدى ءوندىرىپ الۋ مەرزىمىن ۇزارتۋ ءۇشىن 30 مىڭ تەڭگە كولەمىندە پارا العان.
سوت ۇكىمىمەن ە. ساياتوۆ ق ر ق ك- نىڭ 366-بابى 2-بولىگىنە سايكەس كىنالى دەپ تانىلدى. وعان 1800000 تەڭگە كولەمىندە ايىپپۇل تۇرىندەگى جازا تاعايىندالدى. سونىمەن قاتار، ونىڭ جەكە مۇلكى تاركىلەنىپ، مەملەكەتتىك قىزمەتتە جانە جەرگىلىكتى ءوزىن-ءوزى باسقارۋ ورگاندارىندا لاۋازىمدى قىزمەت اتقارۋ قۇقىعىنان ءومىر بويىنا ايرىلدى.
ۇكىم زاڭدى كۇشىنە ەنگەن جوق.
اۆتور: ن. نۋراحمەت
