قازاقپارات. بەيجىڭدەگى جەڭىمپازدار شەرۋى - فوتورەپورتاج

استانا- بەيجىڭ. قازاقپارات - بەيجىڭدەگى قىتاي حالقىنىڭ جاپون باسقىنشىلارىنا قارسى كۇرەستەگى جەڭىسى مەن ەكىنشى دۇنيەجۇزىلىك سوعىستىڭ اياقتالعانىنا 70 جىل تولۋىنا ارنالعان اسكەري پاراد ءوتتى.
None
None

پارادقا 40 مينۋت قالعاندا ق ح ر ءتوراعاسى شي جينپيڭ زايىبى پىڭ ليۋانمەن بىرگە ق ر پرەزيدەنتى نۇرسۇلتان نازاربايەۆتى تيان انمىننىڭ باس تريبۋناسىنىڭ الدىندا قارسى الدى. مەملەكەت باسشىسىنىڭ قىزىل كىلەمدەگى امانداسۋ جانە سۋرەتكە ءتۇسۋ ءساتى تيان انمىن الاڭىنىڭ بارلىق ەكراندارىنان كورسەتىلدى.

ول ق ح ر- دىڭ تاريحىندا ەڭ ۇلكەن پاراد بولدى. تيانانمەن الاڭىندا پارادتىق ساپپەن قىتاي قارۋلى كۇشتەرىنىڭ 50 گە جۋىق ەشەلونى ءوتتى: 12 مىڭ اسكەري قىزمەتكەر، 40 ءتۇرلى 500 تەحنيكا بىرلىگى، اۋەگە 20 ءتۇرلى 200 دەي ۇشاق كوتەرىلدى.

پارادقا جۇمىلدىرىلعان تەحنيكانىڭ 84 پايىزى العاش رەت كورسەتىلدى. شاراعا 15 قىتايلىق جانە قازاقستان، رەسەي، بەلارۋس، كۋبا، مىسىر، قىرعىزستان، مەكسيكا، موڭعوليا، پاكىستان، سەربيا، تاجىكستان، اۋعانستان، كامبودجا، فيدجي، لاوس، ۆانۋاتا، ۆەنەسۋەلانىڭ اتىنان 17 شەتەلدىك جاياۋ اسكەري ەسەپ قاتىسادى. «ولاردىڭ قاتىسۋى - فاشيزمگە قارسى دۇنيەجۇزىلىك سوعىستاعى جەڭىسكە قاتىناستىڭ ناقتى ايعاعى»، - دەدى بۇعان دەيىن پارادقا دايىندىق بويىنشا باسقارۋ توبى باستىعىنىڭ ورىنباسارى تسيۋي جۋي.

سالتاناتتى پارادقا ق ح ر باسشىلىعىنىڭ شاقىرۋىمەن ق ر پرەزيدەنتى نۇرسۇلتان نازاربايەۆ، رەسەي، موڭعوليا، مىسىر، چەحيا، وڭتۇستىك كورەيا، پاكىستان، قىرعىزستان، وزبەكستان، تاجىكستان جانە وزگە دە مەملەكەت باسشىلارى قاتىسادى.

شەرۋدە قازاقستان رەسپۋبليكاسىنىڭ جاۋىنگەرلەرى ساپ تۇزەپ ءوتتى. وسى ساتتە بۇكىل الەم نازارى قازاقستاندىق ارميا وكىلدەرىنە اۋدى. قازاقستان رەسپۋبليكاسى قورعانىس مينيسترلىگىنىڭ قۇرمەتتى قاراۋىل روتاسىنىڭ 76 اسكەري قىزمەتشىسى الەمدەگى ەڭ ءىرى تيان انمىن الاڭىندا 10 قاتاردا ساپ تۇزەدى، ولاردىڭ اراسىندا تۋ ۇستاۋشىلار توبى، ءۇش اسكەر ءتۇرى بار. شەرۋدى مىنبەدەن جوعارى باس قولباسشى، ق ر پرەزيدەنتى نۇرسۇلتان نازاربايەۆ باقىلادى.

ەسكە سالا كەتەيىك، ەكىنشى دۇەنيەجۇزىلىك سوعىس كەزىندە قىتايدى ازات ەتۋدە جاپون باسقىنشىلارىنان قازا تاپقان كەڭەستىك جانە موڭعول جاۋىنگەرلەرىنىڭ مەموريالىندا (بەيجىڭ قالاسىنان 245 شاقىرىم جەردە جاڭجياكوۋ ۋەزىنىڭ جاڭبي قالاسىندا) قازاق ك س ر- ىنىڭ اۋماعىنان شاقىرىلعان 21 ادام جەرلەنگەن.

ەسكەرتكىشتە 13 موڭعول جانە 66 كەڭەس جاۋىنگەرلەرىنىڭ ەسىمدەرى قاشاپ جازىلعان. ولاردىڭ اراسىندا قازاقستاندىق اۋەزحان جاپاروۆ، تولەمبەك وتەبايەۆ جانە اسىلحان بەربەكوۆتەر بار. باۋىرلاستار بەيىتى تۇرعان جەردەگى كەسكىلەسكەن شايقاستا قازا بولعان 60 جاۋىنگەردىڭ مۇردەسى جاتىر. حابار- وشارسىز كەتكەندەردى ىزدەۋ بۇگىنگى كۇندەرگە دەيىن جالعاسۋدا.

سۋرەتتەر قىتايدىڭ بۇقارالىق اقپارات قۇرالدارىنان الىندى.
2 

3 

4 

5 

6 

7 

8 

9 

10 

11 

12 

13 

14 

15 

16 

17 

18 
19 
20 
21 

22 

23 

24 

25 

26 

27  

سوڭعى جاڭالىقتار