قازاقستاندىقتى جابىرلەگەن رەسەيلىك پوليتسەيگە قاتاڭ ۇكىم شىعارىلدى
زارداپ شەككەندەردىڭ ءبىرى - قازاقستان تۇرعىنى.
35 جاستاعى انتون انتونوۆ ءوز لاۋازىمىن پايدالانىپ، ەسىرتكى زاتتارىنىڭ ءىرى كولەمدە كونترابانداسىن ۇيىمداستىردى دەلىنگەن ءۇش جاعداي بويىنشا، لاۋازىمىن اسىرا پايدالانۋدىڭ ءۇش دەرەگى بويىنشا ايىپتى جانە جەدەل- ىزدەستىرۋ جۇمىستارىنىڭ قورىتىندىلارىن بۇرمالادى دەپ تانىلدى. انتونوۆتىڭ بۇرىن ءىستى بولعان ءتورت سىبايلاسى 15 تەن 17 جىلعا دەيىنگى مەرزىمگە سوتتالدى.
انتونوۆ بىرنەشە رەت ءوز بولىمشەسىنىڭ جۇمىس كورسەتكىشىن قولدان كوتەرمەلەپ كورسەتۋگە تىرىسقان جانە ونى ەسىرتكىنىڭ زاڭسىز اينالىمىمەن اينالىسقان تانىستارىنىڭ كومەگىمەن، «پەتروپاۆل - ماكۋشينو» ەلەكترپويىزىنىڭ جولاۋشىلارىنا ءىرى كولەمدە ەسىرتكىنى «سالىپ جىبەرۋ» ارقىلى جۇزەگە اسىرىپ وتىرعان. ولاردىڭ ءبىرىن جەدەل- ىزدەستىرۋ شارالارىنىڭ قورىتىندىلارىن بۇرمالاۋ ارقىلى پوليتسيا «ۇستادى». ەسىرتكىنى سالىپ جىبەرۋ ءىسىنىڭ قۇربانى بولعانداردىڭ تاعى ءبىرى شەكارا باقىلاۋىنان ءوتۋ كەزىندە ۇستالدى. ءۇشىنشىسى - پەتروپاۆل تۇرعىنى - ول قىلمىس جاساعىسى كەلمەسە دە كونترابانداعا اراندادى.
ەسىرتكىنىڭ زاڭسىز اينالىمىنا جول بەرمەۋى ءتيىس بولعان پوليتسيا قىزمەتكەرىنىڭ قىلمىستىق ارەكەتتەرىنىڭ سالدارىنان ەكى زارداپ شەگۋشى جالعان ايىپتىڭ كەسىرىنەن ءىستى بولىپ، ۇزاق ۋاقىت قاماۋدا وتىردى.
پوليتسەي وتكەن جىلى مامىردا جۇمىس ورنىندا ۇستالدى. تەرگەۋ كەزىندە پوليتسەي مەن ونىڭ سىبايلاستارى تۇتقىندا بولدى. انتونوۆ ۇكىم شىققانعا دەيىن جۇمىسىنان قۋىلدى.
kaz.tengrinews.kz
