بيىل تۇڭعىش رەت قازاق حاندارى مەن بيلەرى اتىنان بادەل قاجىلىق ۇيىمداستىرىلادى
بۇل تۋرالى ب ا ق وكىلدەرىمەن وتكەن بريفينگتە ايتىلدى، دەپ حابارلايدى ق م د ب باسپا ءسوز قىزمەتىنەن.
- مۇسىلماننىڭ قاسيەتتى پارىزىنىڭ ءبىرى - قاجىلىقتى ورىنداۋ. بۇل ورايدا بيىل رەسپۋبليكا بويىنشا 4000 ازامات قاسيەتتى ساپارعا اتتانادى. ونىڭ ىشىندە 1800 گە جۋىعى (%45) ءبىزدىڭ وبلىستىڭ ەنشىسىندە. ەرەكشە اتاپ وتەرلىك جايت، بيىل قاجىلىققا ەلىمىزدەن تىكەلەي اۋە رەيستەرى اشىلىپ وتىر. قازاقستان بەن ساۋد ارابياسى كورولدىگى اراسىندا قابىلدانعان مەموراندۋمعا سايكەس، ەلىمىزدىڭ قاجىلارىن تاسىمالداۋ قۇقىعى «FlyNas» حالىقارالىق اۋەكومپانياسىنا بەرىلدى. ەندى الماتى- جيددا- ءمادينا- الماتى باعىتى بويىنشا تىكەلەي رەيستەر ورىندالادى. قاجىلاردىڭ ۇشىپ كەتۋ ۋاقىتى ۇستىمىزدەگى جىلدىڭ 11-16 -قىركۇيەك، ال ۇشىپ كەلۋ ۋاقىتى 27 -قىركۇيەك پەن 7 -قازان ارالىعىندا جۇزەگە اسادى، - دەيدى و ق و بويىنشا وكىل يمامىنىڭ ورىنباسارى مۇحامەدجان ەستەمىروۆ.
قاجىلىققا نيەت ەتكەن ازاماتتاردىڭ بارلىعى دا تىركەۋگە الىنىپ، ءتيىستى ەكپەلەرىن قابىلداعان. وبلىستىق مەشىتتە قاجىلىق كەزىندە اتقاراتىن ەرەجەلەر مەن تارتىپتەرى تۇسىندىرىلگەن. مۇسىلمانشىلىق پارىزىن وتەۋگە اتتاناتىنداردى باستاپ وبلىستان بيىل ءۇش يمام اتتانادى. بۇدان وزگە، ەكى اۋىل يمامى باس ءمۇفتي ەرجان قاجى مالعاجى ۇلىنىڭ دەمەۋشىلىگىمەن قاجىلىققا تەگىن بارىپ كەلۋ قۇرمەتىنە يە بولىپ وتىر.
ەلباسى ن. نازاربايەۆتىڭ باستاماسىمەن بيىل قازاق حاندىعىنىڭ 550 جىلدىعىنا وراي قازاق بيلەرى مەن حاندارى اتىنان بادەل قاجىلىق ۇيىمداستىرىلماق ەكەن.
- حالىققا تۇسىنىكتى بولۋ ءۇشىن بايانداپ كەتەيىك، بادەل - بۇرىن قاجىلىققا بارىپ كەلگەن ادامنىڭ وزگە ادامنىڭ اتىنان جاسالاتىن قاجىلىعى. اتالعان شارا تۇڭعىش رەت قولعا الىنىپ وتىر. بۇل پارىزدى ورىنداۋ ماقساتىندا وبلىس يمامىنىڭ ورىنباسارى مۇحامەدجان ەستەمىروۆ ءۇش ءجۇزدىڭ باسىن قوسقان قازاقتىڭ كورنەكتى تۇلعاسى ابىلاي حاننىڭ اتىنان، شەشەندىگى مەن تۋراشىلدىعى ارقىلى حالىقتىڭ جۇرەگىنەن ورىن العان ءاز تولە ءبي بابامىزدىڭ اتىنان تولەبي اۋدانىنىڭ باس يمامى سامات اناربايەۆ بادەل قاجىلىق پىرىزىن وتەۋگە نيەتتەنىپ وتىر، - دەدى و ق و بويىنشا وكىل يمامى احمەتجان قاجى كەرىمبەك.
جيىن بارىسىندا سونىمەن بىرگە قۇربان ايت مەرەكەسىن تويلاۋ ۇردىستەرى دە ءسوز بولدى. شىمكەنت قالالىق ا. قاتتاني مەشىتىنىڭ باس يمامى باعداۋلەت ابدراحمانوۆ قۇربان ايت مەرەكەسى جانە قۇربان شالۋدىڭ پايدالارى مەن ءتارتىبى تۋرالى ءتۇسىندىردى. قۇربان ايت مەرەكەسىنە وراي قالا مەشىتتەرىندە ءبىرقاتار جۇمىستار قولعا الىنعان. ايت مەرەكەسى كۇندەرى مەشىتتەردە قۇرباندىق شالۋ ءىسى ۇيىمداستىرىلادى. مەرەكەنى جوعارى دەڭگەيدە وتكىزۋ ءۇشىن ۇلتتىق ويىن تۇرلەرىنەن سايىستار ۇيىمداستىرىلىپ، مەرەكەلىك داستارحان جايىلادى.
