08:26, 03 - قىركۇيەك 2015 | GMT +5
قازاقستاندىق بوكسشى باعدات الىمبەكوۆتىڭ جەكپە-جەگى تىكەلەي ەفيردە كورسەتىلەدى
استانا. قازاقپارات - 26 -قىركۇيەك كۇنى قازاقستاندىق بوكسشى باعدات الىمبەكوۆتىڭ كاسىبي شارشى الاڭداعى العاشقى جەكپە- جەگىن رەسەيلىك «بوكس ت ۆ» ارناسى تىكەلەي ەفيردە كورسەتەدى.
رەسەيدىڭ ەكاتەرينبۋرگ قالاسىندا وتەتىن 6 راۋندتىق سايىستا ونىڭ قارسىلاسى جەرگىلىكتى بوكسشى نيكيتا كۋزنەسوۆ (1-0) بولماق.
بىلعارى قولعاپ شەبەرلەرى ەكىنشى جەڭىل سالماقتا (55,3 كەلىگە دەيىن) جۇدىرىقتاسادى، دەپ حابارلانعان قازاقستان كاسىبي بوكسىنىڭ ۆكونتاكتە جەلىسىندەگى پاراقشاسىندا.
