جەر تۇرعىندارى ايدىڭ تولىق تۇتىلۋىن تاماشالاۋ مۇمكىندىگىنە يە بولماق

ا ق ش- تىڭ اەروناۆتيكا جانە عارىش كەڭىستىگىن زەرتتەۋ ۇلتتىق باسقارماسىنىڭ (ن ا س ا) حابارلاۋىنشا، ايدىڭ تولىق تۇتىلۋى سوڭعى رەت 1982 -جىلى بايقالعان، ال ەندىگى تۇتىلۋى تەك 2033 -جىلى بولماق.
قىركۇيەكتە تولعان اي جەردىڭ كولەڭكەسى ارقىلى وتەدى، ءسويتىپ بۇل قۇبىلىس سولتۇستىك جانە وڭتۇستىك امەريكادا 27 -قىركۇيەكتە، ال ەۋروپا مەن افريكادا 28 -قىركۇيەكتە ايدىڭ تۇتىلۋىنا سەبەپكەر بولادى.
سونداي- اق ايتۋلى استرونوميالىق قۇبىلىستى ەۋروپادا، افريكادا، ازيانىڭ باتىس بولىگى مەن تىنىق مۇحيتى ايماعىنىڭ شىعىس بولىگىنەن باقىلاۋعا بولادى.
تۇتىلعان اي %14 عا ۇلعايىپ، %30 عا جارقىراي تۇسەدى. ياعني اي جەرگە جاقىنداپ، ونىڭ جەردەن ارا قاشىقتىعى 384,6 مىڭ شاقىرىمدى قۇرايتىن بولادى.
مۇنداي ايدىڭ تولىق تۇتىلۋى وتكەن عاسىردا تەك بەس رەت: 1910، 1928، 1946، 1964، 1982 -جىلدارى بايقالعان. ال ايدىڭ ادەتتەگى تۇتىلۋىن جەردىڭ كەز كەلگەن نۇكتەسىنەن 2,5 -جىلدا ءبىر رەت باقىلاۋعا بولادى.