21:28, 02 - قىركۇيەك 2015 | GMT +5
بالالار ۇيىنە «قازاق مىس» قوماقتى قارجى ءبولدى - جەزقازعان
استانا. قازاقپارات - «قازاق مىس» كورپوراتسياسى جىل سايىن وتەتىن رەسپۋبليكالىق «مەكتەپكە جول» اكسياسى اياسىندا بيىل جەزقازعانداعى «ءۇمىت» بالالار ءۇيىنىڭ تاربيەلەنۋشىلەرىنە 15 ميلليون تەڭگە قارجى ءبولدى، دەپ حابارلادى كورپوراتسيانىڭ باسپا ءسوز قىزمەتىنەن.
بولىنگەن قارجى مەكەمەنىڭ قايتا وڭتايلاندىرۋىنا، سپورت جانە بالالار الاڭىنا، سونداي- اق ەلەكتروندى تەحنيكا مەن كومپيۋتەر الۋىنا باعىتتالعان.
سالتاناتتى ءىس- شارانىڭ قۇرمەتتى قوناقتارى «جەزقازعان ءتۇستى مەتالل» ءو ب باس ديرەكتورى قايرات شالماعامبەتوۆ، سەناتور سەرگەي ەرشوۆ جانە ءماجىلىس دەپۋتاتى ارمان قوجاحمەتوۆ بولدى. مەيماندار قايتا وڭتايلاندىرىلعان سپورت الاڭىن ارالاپ، بالالاردى بيىلعى جاڭا وقۋ جىلىمەن قۇتتىقتادى.
