18:14, 02 - قىركۇيەك 2015 | GMT +5
ن. نازاربايەۆ استانا- يسلاماباد- بەيجىڭ فورماتىنداعى ترانزيتتىك- كولىك ىنتىماقتاستىعىنىڭ العىشارتىن اتادى
بەيجىڭ. قازاقپارات - قازاقستان، پاكىستان جانە قىتاي اراسىندا ترانزيتتىك- كولىكتىك ىنتىماقتاستىق ءۇشىن ناقتى جاعدايلار بار.
بۇل تۋرالى ق ك پ و ك جانىنداعى پارتيالىق مەكتەپتىڭ تىڭداۋشىلارى مەن پروفەسسورلىق- وقىتۋشىلىق قۇرامى الدىندا ءسوز سويلەگەن ق ر پرەزيدەنتى نۇرسۇلتان نازاربايەۆ ءمالىم ەتتى.
«استانا- يسلاماباد- بەيجىڭ فورماتىنداعى ترانزيتتىك- كولىك ىنتىماقتاستىق ءۇشىن ناقتى جاعدايلار بار. مۇنىڭ العىشارتى - قازاقستاننىڭ قاراقورىم اۆتوجولى جوباسىنا قاتىسۋى» ، - دەدى ەلباسى.
ەسكە سالا كەتەيىك، ساپار 3 -قىركۇيەككە دەيىن جالعاسادى. بەيسەنبى كۇنى ق ر پرەزيدەنتى قىتاي حالقىنىڭ جاپوندىق باسقىنشىلارعا قارسى كۇرەسى سوعىسىنداعى جەڭىسىنىڭ 70 جىلدىعىنا ارنالعان سالتاناتتى پارادقا قاتىسادى.
