جىلاندى مەزى قىلعان شايپاۋ ايەل

ايەلىنەن قالاي قۇتىلۋدىڭ جولىن بىلمەي ءجۇرىپ، ءبىر كۇنى ايەلىنە مىناداي وي سالىپتى: «جارقىنىم، پالەن دەگەن جەردە، تۇگەن دەگەن قۇدىقتىڭ ىشىندە التىن ەسەپسىز تاراتىلىپ جاتىر ەكەن. ءجۇر ءبىز دە ءوز ۇلەسىمىزدەن الىپ قالايىق» دەپتى. مۇنى ەستىگەن ايەلى كۇيەۋىن سول مەزەتتە-اق الگى قۇدىققا ەرتىپ الىپ بارۋىن تالاپ ەتەدى. سودان الگى قۇدىققا كەلىپ كۇيەۋى:
- ال، ەندى وسى قۇدىقتىڭ ىشىنە ءتۇسىپ كور، بارلىعى وسىندا. ادامداردىڭ بارلىعى وسىنىڭ استىندا ءجۇر. سەن دە ءوز ۇلەسىڭدى الىپ شىق، مەن وسىندا باقىلاپ تۇرامىن، - دەيدى. ايەلى ويلانباستان قۇدىققا سەكىرىپ كەتەدى. سوندا كۇيەۋى «قۇتىلدىم، الاقاي» دەپ ءوزىنىڭ تاپقىرلىعىنا ءماز بولىپ، قۇدىقتىڭ بەتىن مىقتاپ جاۋىپ كەتىپ قالادى.
سودان نە كەرەك، ارادا ەكى جىلداي ۋاقىت تا وتە شىعادى. الگى ەركەك، ايەلىن ۋايىمدايدى. «اپىر- اي، ءتىرى ما ەكەن» دەپ ويلانىپ ءجۇرىپ، باياعى ءوزى بەتىن جاۋىپ كەتكەن قۇدىققا كەلەدى قايتا. جايلاپ دەپ قۇدىقتىڭ بەتىن اشىپ قالسا، ۇلكەن الىپ جىلان اتىپ شىعىپتى دا:
- ە، انا ايەلىڭ ميىمدى جەپ قويدى عوي. ەكى جىلدان بەرى ولگەن جەرىم وسى شىعار دەپ جاتىر ەدىم، سەن كەلىپ قۇتقارىپ قالدىڭ، ساعان راحمەت. ءبىر تىلەك ايت ورىندايمىن، تەك ءبىر عانا تىلەگىڭدى ورىندايمىن، - دەيدى. الگى ەركەك سول زامانداعى پاتشانىڭ قىزىن الىپ بەرۋىن وتىنەدى جىلاننان. جىلان: - جاقسى، مەن بارىپ پاتشانىڭ قىزىنىڭ موينىنا اسىلىپ قالامىن. سوسىن پاتشا حالىققا «كىمدە- كىم قىزىمنىڭ موينىنداعى جىلاندى شەشسە سوعان قىزىمدى بەرەمىن» دەپ ايتقانشا تاپجىلماي ۇيىڭدە كۇت، كەلمە دەيدى. جىگىت پەن جىلان كەلىسىپ الادى. ءبىر كۇنى پاتشانىڭ جارعىسى شىققان سوڭ جىگىت بارىپ، جىلاندى ءوز قولىمەن بوساتىپ، حاننىڭ قىزىنا يە بولىپتى.
كۇندەر وتە جىلان باسقا ءبىر پاتشانىڭ قىزىنىڭ موينىنا ورالىپ قالىپتى. ەل اراسىندا الگى ەركەكتىڭ اتى شىعىپ قالعان عوي. حان قىزىن جىلاننان قۇتقارىپ قالعان، سوندىقتاندا سول جىگىتتى ەرتىپ الىپ كەلىڭدەر دەپ بۇيىرادى حان. الگى كىسى قاتتى ساسادى سوندا، جىلانمەن كەلىسەيىن دەسە جىلان جىگىتتىڭ تىلەگىن ورىنداپ قويعان، ەندىگى تىلەكتى ايتا المايدى. حان ەگەر جىلاندى بوساتپاساڭ ولتىرەمىن دەيدى. نە ىستەرىن بىلمەي حاننىڭ الدىندا تەرلەپ- تەپشىپ تۇرعاندا، حاننىڭ ءبىر ءۋازىرى تۇرىپ: - مىنا جىگىتتىڭ قۇدىقتىڭ استىندا قالىپ كەتكەن ايەلى قۇدىقتان شىعىپتى، ەندى وسىندا كەلە جاتىر ەكەن دەيدى. سوندا قىزدىڭ موينىنا ورالىپ تۇرعان الىپ جىلان مۇنى ەسىتە ساپ: - مەنى كورمەدىم دەپ ايتىڭدار، مەنى ەشقايسىلارىڭ تانىمايسىڭدار، مەنى كورگەن جوقسىڭدار، - دەپ قىزدىڭ موينىنان شەشىلە سالىپ قاشىپ بارا جاتقان كورىنەدى الگى جىلان.
massaget.kz