16:02, 02 - قىركۇيەك 2015 | GMT +5
مۇسىلمان قىزى مۇحيتتى كەسىپ وتپەكشى
استانا. قازاقپارات - بريتاندىق مۇسىلمان قىزى حيدجابتىڭ سپورتپەن اينالىسۋعا، بەلسەندى ءومىر سالتىن ۇستانۋعا ەش كەدەرگى كەلتىرمەيتىنىن كورسەتۋ ماقساتىندا ەڭ ۇزاق تەڭىز جارىستارىنىڭ بىرىنە قاتىسپاقشى.
لوندون قالاسىنداعى مەكتەپتەردىڭ بىرىندە ماتەماتيكا پانىنەن ساباق بەرەتىن نۋرين راحماننىڭ ايتۋىنشا، ۇزاق ءارى قاۋىپتى ساپارعا حيدجابپەن شىعۋ ەش قيىندىق تۋدىرماق ەمەس.
32 جاسار نۋرين جاقىن كۇندەرى جارىسقا قاتىساتىن 700 اداممەن بىرگە اشىق مۇحيتقا بەت الادى. 44 مەملەكەتتەن جينالعان جارىسقا قاتىسۋشىلار بريتانيا جاعالاۋىنان برازيلياعا دەيىنگى 40000 تەڭىز ميلىن ءجۇزىپ وتۋلەرى ءتيىس. بريتانيالىق باتىل قىز اتاقتى اتلانت مۇحيتىن ءوز وتانداستارىمەن بىرگە كەسىپ وتۋگە بەل بايلاپ وتىر.
«مەن قاراپايىم پاكىستاندىق مۇسىلمان قىزبىن. باسقالار دا ءبىلسىن، ءبىزدىڭ ولاردان ەش كەم ەمەس ەكەندىگىمىزدى» ، - دەيدى نۋرين راحمان ءوزىنىڭ بۇل ساپارى جايلى.
