ەكىنشى دۇنيەجۇزىلىك سوعىستىڭ سوڭعى نۇكتەسىن قىتاي قويدى - ن. نازاربايەۆ

 بەيجىڭ. قازاقپارات - قىتايداعى جەڭىس كۇنىن ەكىنشى دۇنيەجۇزىلىك سوعىستىڭ نۇكتەسى رەتىندە قاراستىرۋ قاجەت.

كەشە قىتايدىڭ «دياويۋيتاي» مەملەكەتتىك سارايىندا باسپا ءسوز ءماسليحاتىن وتكىزگەن ق ر پرەزيدەنتى نۇرسۇلتان نازاربايەۆ وسىلاي ءمالىم ەتتى.

«ءبىز قىتايعا جەڭىستىڭ 70 جىلدىعى اياسىندا كەلدىك. بۇعان قوسا ءبىز تاريحتان ەكىنشى دۇنيەجۇزىلىك سوعىستىڭ سوڭعى نۇكتەسى ءدال وسى جەردە، ميليتاريستىك جاپونيا تىزە بۇككەنەن كەيىن قويىلعانىن بىلەمىز. ءبىزدىڭ ەسىمىزدە قالعانىنداي، كەڭەس وداعىنان سوعىس بارىسىندا 27 ميلليون ادام، قىتايلىقتاردان 35 ميلليون ادام قازا تاپتى. كۆانتۋندىق توپتى تالقانداۋ بارىسىنا قازاقستاندىقتار دا قاتىسىپ، وسى جەردە جەرلەندى. سوندىقتان دا بۇل تۇرعىدا بىزدەردىڭ ىنتىماقتاسار تۇسىمىز بار»، - دەدى مەملەكەت باسشىسى.

 سونىمەن قاتار، ەلباسى اسكەري شەرۋدىڭ كەڭەستىك مۇرا ەكەندىگىن باسا اتاپ ءوتتى.

«وزدەرىڭىزدە بىلەتىندەي الەمدە شەرۋگە باسا ءمان بەرىلمەيدى. جەڭىستىڭ 50 جىلدىعىندا مەن پاريجدەگى شەرۋگە قاتىستىم. وندا تريۋمفالدى اركا توڭىرەگىن جاۋىنگەرلەر مەن فرانسۋز لەگيونى اينالىپ ءوتىپ، سونىمەن ءبارى اياقتالدى. لوندوندا دا پاتشايىمنىڭ قاتىسۋىمەن ۇلكەن شەرۋدە عيبادات ەتۋ ءراسىمى جاسالدى. سول سوعىستا قازا تاپقان ميلليونداعان ادامدارعا قۇرمەت كورسەتۋ جانە تاعزم ەتۋ ءۇشىن، زۇلماتتىڭ تاعى دا قايتلانباۋى ءۇشىن مۇنى تاعى جاساۋ قاجەت دەپ سانايمىن. سوندىقتان دا ماسكەۋ سوعىستىڭ بار اۋىرتپالىعىن ءوز موينىنا جۇكتەگەن كەڭەس وداعىنىڭ وزەگى رەتىندە، بۇرىنعى كەڭەس وداعىنىڭ اتىنان وسىنداي اسكەري شەرۋدى وتكىزۋگە، ول سوعىسقا قاتىسقانداردىڭ، ونىڭ ىشىندە قازاقستاندىقتاردىڭ دا ەرلىگىن اتاپ وتۋگە تولىعىمەن قۇقىلى»، - دەدى ق ر پرەزيدەنتى.

 بەيجىڭ شەرۋىنىڭ ءمان- ماعىناسىنا دا كەڭىنەن توقتالعان ن. نازاربايەۆ ءسوز اراسىندا جاپونيانىڭ قىتايدى جاۋلاپ الۋى 1937 - جىلى باستالعانىن قاپەرگە سالىپ ءوتتى.

«دەمەك، 3 - قىركۇيەكتە جاپونيانىڭ تىزە بۇگۋى ەكىنشى دۇنيەجۇزىلىك سوعىستىڭ اياقتالۋى دەپ سانالادى. ول ءدال وسىلاي تۇسىندىرىلەدى دە»، - دەدى ن. نازاربايەۆ.

 اۆتور: مارلان جيەمباي