بوسقىندار ماسەلەسى شەنگەن ايماعى شەبىن سەتىنەتكەلى تۇر

استانا. قازاقپارات - گەرمانيانىڭ كانسلەرى انگەلا مەركەل ەگەر ەۋرووداق ەلدەرى بوسقىنداردى ءوزارا ءادىل ءبولىسىپ الۋ جونىندەگى ورتاق مامىلەگە كەلە المايتىن بولسا، شەنگەن كەلىسىمىنىڭ كۇنى دە بىتەتىنىن اشىق ايتتى.
None
None

«مۇنداي ايماقتىڭ قۇنى دا قاراڭ بولادى» ، دەدى فرگ باسشىسى. مۇنى باسپا ءسوز ءماسليحاتىندا ءبىلدىردى. «ەگەر ەۋروپا بوسقىنداردى ءادىل ءبولىسىپ الۋ جونىندە كەلىسىمگە كەلە الماسا، شەنگەن كەلىسىمىنىڭ جايى كۇماندى بولىپ قالادى» ، - دەدى ول. Kanun disi yollarla Mugla'nin Bodrum Ilcesى'nden Yunanistan'ىn Kos adasina kacmak isteyen 192 kacak yakalandi. وسى رەتتە گەرمانيانىڭ بۇرىنعى كانسلەرى گەرحارد شرەدەر ەۋروپا، اتاپ ايتقاندا، گەرمانيا بوسقىندار جايىنان ءتيىستى قورىتىندى شىعارۋى كەرەك دەپ ەسەپتەيدى. ول Welt am Sonntag گازەتىندە جاريالانعان اۆتورلىق ماقالاسىندا كەلۋشىلەردى تەزىرەك جەرگىلىكتى جاعدايعا بەيىمدەي ءبىلۋ كەرەك، سول كەزدە ودان ەلدىڭ ەكونوميكاسى دا ۇتادى، دەگەن ويدى جەتكىزدى. «ەگەر كەلەشەكتە دە الەۋمەتتىك جانە ەكونوميكالىق تۇرعىدا كۇشتى مەملەكەت بولىپ قالا بەرگىمىز كەلسە، بىزگە بۇل كەلۋشىلەر كەرەك» ، - دەدى سەنىممەن گ ف ر ۇكىمەتىنىڭ بۇرىنعى باسشىسى. ەكس- كانسلەر، سونداي- اق، ەۋروپانى «جاڭا تەمىر شىمىلدىقتىڭ» ارعى جاعىنا تىعىلىپ وتىرماۋعا شاقىردى. ونىڭ ويىنشا، ەۋروپا وداعى ميگرانتتار تاسقىنىن ساۋاتتى باسقارا وتىرىپ، كەلۋشىلەردىڭ ورتاعا تەز ءسىڭىسىپ كەتۋلەرىنە جول اشۋلارى ءتيىس. نەمىستىڭ تاعى ءبىر جەكسەنبىلىك گازەتى - Bild am Sonntag گ ف ر- ءدىڭ بوسقىندارمەن ىنتىماقتا بولۋعا شاقىرعان ءجۇز بەدەلدى ادامىنىڭ ءتىزىمىن جاريالادى. بۇل ساپتا گەرمانيا مينيسترلەر كابينەتىنىڭ مۇشەلەرى، وپپوزيتسياداعى ساياساتكەرلەر، سپورتشىلار، اكتەرلەر، رەجيسسەرلەر، تەلەجۇرگىزۋشىلەر، ءىرى كونسەرندەردىڭ باسشىلارى بار. ولار نەمىستەردى كەلۋشىلەرگە قاتىستى شىدامدىلىق تانىتىپ، قولدان كەلگەنىنشە قولداۋ كورسەتۋگە شاقىردى. «سوعىستان قاشىپ كەلگەن بوسقىندار گفر جەرىنەن وزدەرىنىڭ ەكىنشى ۇيلەرىن تاپقىلارى كەلەدى» ، - دەلىنگەن قايراتكەرلەر جاريالاعان مالىمدەمەدە.

 يراكتا «يسلام مەملەكەتىنىڭ» 122 سودىرى اتىلدى يراكتىڭ نايناۆا پروۆينسياسىندا دۇيسەنبى، 31 - تامىز كۇنى «يسلام مەملەكەتى» تەررورلىق ۇيىمى ءوزىنىڭ ساپىنداعى 122 سودىردى اتىپ تاستادى. كۇردىستان دەموكراتيالىق پارتياسى وكىلى سايد مامۋزينيدىڭ مالىمدەۋىنشە، ولارعا مەملەكەتتىك توڭكەرىس جاساپ، يسلاميستەر ليدەرى ابۋ باكر ءال- باعداديدى ولتىرمەك بولدى دەگەن ايىپ تاعىلعان. مامۋزيني توڭكەرىستىڭ 30 - تامىز، جەكسەنبى كۇنى جاسالۋعا ءتيىستى بولعانىن جەتكىزدى. «ءبىراق، سودان ەكى كۇن بۇرىن استىرتىن ارەكەتكە جۇمىلعان بەس سودىر اشكەرە بولىپ، قاماۋعا الىندى» ، دەدى ول. ناتيجەسىندە دەرەۋ قولعا تۇسىرىلگەن 18 ۇرىس كومانديرلەرىن قوسا ەسەپتەگەندە، بارلىعى 122 سودىر موسۋلدىڭ وڭتۇستىگىندەگى تۇرمەدە اتىلدى. مامۋزينيدىڭ ايتۋىنا قاراعاندا، «يم قاتارىنداعى جىككە بولىنۋشىلىك بارعان سايىن قاتتى ءبىلىنىپ كەلەدى» . اقشا، بيلىك پەن ىقپال ءۇشىن تالاستا بۇعان دەيىن دە ونداعان سودىر وپات بولعان ەدى، دەگەندى قوستى كۇردىستان دەموكراتيالىق پارتياسىنىڭ وكىلى.

 

«ەگەمەن قازاقستان»

سوڭعى جاڭالىقتار