اۋعانستاننىڭ ءبىرىنشى ۆيسە- پرەزيدەنتى رەسەيدەن اسكەري كومەك سۇرادى
دۇيسەنبى كۇنى كەشكە كابۋلداعى باسپا ءسوز كونفەرەنسياسىندا ءسوز سويلەگەن گەنەرال ا. دۋستۋم «رەسەي باسشىلىعىنىڭ ۇندەمەي قالماۋى ءتيىس» ەكەنىن مالىمدەدى.
«ءبىزدىڭ قاۋىپسىزدىك كۇشتەرىمىز ۇشاق، تىكۇشاق جانە باسقا دا قارۋلى تەحنيكالارعا مۇقتاج. كوپ قارۋىمىز رەسەيدەن اكەلىنگەن. ولار (رەسەي) ءبىزدىڭ قاۋىپسىزدىك كۇشتەرىمىزگە كومەكتەسۋى كەرەك»، - دەدى اۋعانستاننىڭ ءبىرىنشى ۆيتسە- پرەزيدەنتى.
بۇدان باسقا، ا. دۋستۋم «يسلام مەملەكەتى» ۇيىمى ماسەلەسىن ءسوز ەتىپ، راديكالداردىڭ تەك اۋعانستانعا ەمەس، بۇكىل ايماققا قاۋىپ ءتوندىرىپ وتىرعانىن ايتتى. ونىڭ ايتۋىنشا، اۋعانستان - ي م- ءنىڭ جوسپارىنا كىرىپ وتىرعان جالعىز ەل ەمەس. «ەگەر ولاردىڭ جوسپارلارىنا تەك اۋعانستان كىرسە، «يسلام مەملەكەتىنىڭ» قاتارىندا وزبەكتەر مەن شەشەندەر نە ىستەپ ءجۇر. «د ا ي ش» (ي م- ءنىڭ ارابشا اتاۋى) كاۆكاز، رەسەي جانە ورتالىق ازيانى باسىپ الۋى مۇمكىن. سيريا مەن يراكتىڭ قالاي قيراپ جاتقانىن قاراڭىز، ولار ورتالىق ازيانىڭ قاۋىپسىزدىگىن دە تۇراقسىزداندىرعىسى كەلىپ وتىر»، - دەپ اتاپ ءوتتى گەنەرال ا. دۋستۋم.
اۋعان كۇشتەرىنىڭ ەلدىڭ سولتۇستىگىندەگى ارنايى ءىس- قيمىلدارىن ءسوز ەتە وتىرىپ، ا. دۋستۋم اسكەرلەردىڭ فارياب جانە سار- ە- پۋل پروۆينتسيالارىن تازارتىپ ۇلگەرىپ، ەندى كابۋلدىڭ اتالعان اۋدانداردا تۇراقتىلىقتى قامتاماسىز ەتىپ وتىراتىنىن اتاپ ءوتتى.
بۇعان دەيىن اعىمداعى جىلدىڭ تامىز ايىندا گەنەرال ابدۋل راشيد دۋستۋم سولتۇستىكتەگى فارياب پروۆينتسياسىندا ەكسترەميستەرگە قارسى ارنايى ءىس- قيمىلداردى باسقارعان. اۋعان ب ا ق- تارى ا ي م- ءنىڭ ءبىرىنشى ۆيتسە- پرەزيدەنتىنىڭ ومىرىنە ەكى رەت قاستاندىق جاسالىپ، «تاليبان» توبى سودىرلارىنىڭ توسقاۋىلى ۇيىمداستىرىلعانىن حابارلادى.
