ن. نازاربايەۆ: لياۋنيڭگۋان تەرمينالى - قازاقستاننىڭ تىنىق مۇحيتىنا تاريحي تۇرعىدا العاش قادام باسۋى

استانا. قازاقپارات - مەملەكەت باسشىسى نۇرسۇلتان نازاربايەۆ جياڭسۋ پروۆينتسياسى حالىق وكىلدەرىنىڭ بۇكىل قىتايلىق جينالىسى تۇراقتى كوميتەتىنىڭ ءتوراعاسى - پارتيا كوميتەتىنىڭ حاتشىسى لوۋ چجيتسزيۋنمەن كەزدەستى،

 دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا تىنىق مۇحيتىنداعى لياۋنيڭگۋان پورتىنداعى قازاقستاننىڭ لوگيستيكالىق تەرمينالى ارقىلى جۇك تاسىمالى اۋقىمىن كەڭەيتۋ پەرسپەكتيۆالارى تالقىلاندى.

«قازاقستان ءۇشىن جياڭسۋ پروۆينتسياسىمەن ىنتىماقتاستىقتىڭ زور ماڭىزى بار. ءبىز ق ح ر باسشىلىعىمەن ۋاعدالاستىق بويىنشا لياۋنيڭگۋان پورتىندا جۇمىس جۇرگىزىپ جاتىرمىز. بۇل - قازاقستاننىڭ تىنىق مۇحيتقا تاريحي تۇرعىدان العاشقى قادام باسۋى. مۇنى ىنتىماقتاستىعىمىزدىڭ باسى عانا دەپ ويلايمىن» ، - دەدى نۇرسۇلتان نازاربايەۆ.

قازاقستان پرەزيدەنتى سونداي- اق ق ح ر ءتوراعاسى شي جينپيڭمەن جانە ق ح ر مەملەكەتتىك كەڭەسىنىڭ پرەمەرى لي كىشياڭمەن كەزدەسۋ بارىسىندا كولىك- لوگيستيكا سالاسىنداعى ءوزارا ءىس- قيمىل جايى باسىمدىعى بار ماسەلەنىڭ ءبىرى ەكەنىنە توقتالدى.