ارالدان تابىلعان وتكەن عاسىر سالەمدەمەسى
Associated Press اگەنتتىگىنىڭ حابارلاۋىنشا، ولار بيىلعى جىلدىڭ ءساۋىر ايىندا بەلگىلى بولىپتى. «ينتەرفاكس» پورتالىنىڭ جازۋىنشا، عالىمدار XX عاسىردىڭ باسىندا مىڭ دانا بوتەلكەنى سولتۇستىك تەڭىزگە اعىزىپ جىبەرگەن. ولار وسىلايشا تەڭىز اعىسىنىڭ باعىتىن انىقتاپ الماقشى بولادى. ال شىنى ىشىندەگى سالەمدەمەدە مۇنى تاپقان ادامنان ونى ۇلى بريتانيا تەڭىز بيولوگيالىق اسسوتسياتسياسىنا وتكىزۋ وتىنىلگەن ەكەن. سونىمەن بىرگە، تاپقان كىسىگە ءبىر شيللينگ كولەمىندە اقى تولەنەتىنى دە ايتىلىپتى. «ءبىز قاتتى تولقىپ تۇرمىز. سەبەبى، بوتەلكەدەن وسىنداي سالەمدەمە الامىز دەپ ويلاعان جوق ەدىك» ، - دەدى وسىعان وراي اسسوتسياتسيا وكىلى گاي بەيكەر. ول بۇعان XX عاسىردىڭ باسىندا تەڭىزگە جىبەرىلگەن بۇل بوتەلكەلەر پارتياسىنىڭ باسىم بولىگى بۇدان ونشاقتى جىل بۇرىن جيناپ الىنعانىن قوستى. اسسوتسياتسيا ەندى گيننەسس رەكوردتار كىتابىنان امرۋم ارالىنان تابىلعان بوتەلكەنى ەڭ كونە وسىنداي سالەمدەمە رەتىندە تىركەۋدى ءوتىنىش ەتكەلى وتىر. بۇعان دەيىنگى ەڭ بايىرعى بوتەلكە 1914 -جىلى جىبەرىلىپ، 99 جىلدان كەيىن تابىلعان ەكەن.
مۇرات ايتقوجا.
«ەگەمەن»
