قاقالىپ قالعان بالاعا العاشقى كومەك كورسەتۋ جولدارى

استانا. قازاقپارات - بالانىڭ بارلىق ءىس- ارەكەتىن باقىلاپ وتىرۋ وڭاي ەمەس.
None
None

سول سەبەپتى كىشكەنتايلارىڭىزدىڭ ءبىر نارسەنى جەپ، قاقالىپ، شاشالىپ قالاتىن كەزدەرى ءجيى كەزدەسىپ تۇرادى.

كەيدە ولار وزدەرى جوتەلىپ، تاماعىنا تۇرىپ قالعان زاتتى شىعارا الادى. ال كوپ جاعدايدا ءسىزدىڭ كومەگىڭىزگە جۇگىنەدى. سوندىقتان بۇل ماقالانى بالا ءتۇيىلىپ قالعاندا العاشقى كومەكتى قالاي كورسەتۋ كەرەكتىگىن بىلمەيتىن اتا- انالارعا ارناعىمىز كەلىپ وتىر.

ءسابيدىڭ قاقالىپ قالعانىن قالاي انىقتايمىز؟

ەگەر بالا جىلاپ، ءسىزدى كومەككە شاقىرسا، دەمەك ونىڭ تىنىس الۋ جولدارى اشىق دەگەن ءسوز. ونداي كەزدە بايبالام سالىپ، قاتتى ۋايىمداۋدىڭ قاجەتى جوق. ال مىناداي بەلگىلەر پايدا بولا باستاسا، بىردەن جاردەم كورسەتۋىڭىز كەرەك:

- بالانىڭ كوزدەرى باقىرايىپ، ۇرەيلەنسە.

- ءسابي دۇرىس دەم الا الماي، جىلاپ، داۋىسى قارلىعىپ شىعىپ نەمەسە مۇلدەم شىقپاعان كەزدە.

- بالا اۋىزىن ايقارا اشىپ، سىلەكەيدىڭ ءبولىنىپ شىعۋى كوتەرىلگەندە.

 - ەسەيىپ كەلە جاتقان بالالار ساۋساعىن بىردەن اۋىزدارىنا سالادى. مۇنداي جاعدايدا دا ساق بولىڭىز.

 مىنە، وسىنداي وقيعالارعا كەز بولساڭىز، جەدەل جاردەم شاقىرىپ، العاشقى كومەك كورسەتۋ جولدارىن جاساڭىز.

ءبىر جاسقا جەتپەگەن بالالارعا قالاي كومەكتەسەمىز؟

 - بالانىڭ قولىن جوعارى كوتەرىڭىز. بۇل ءادىس تۋرالى كوپ ەشكىم ەستىمەگەن شىعار. ءبىر قاراعاندا وتە قاراپايىم ءارى پايداسى جوق سەكىلدى كورىنەدى.

 - بالانى ەتبەتىمەن قولىڭىزعا جاتقىزىپ، جاۋىرىنىنان 5 رەت سوعىڭىز.

- ەگەر بالا كىشكەنتاي زاتقا نەمەسە تاماققا قاقالىپ قالسا، ونى ەكى اياعانىنان ۇستاپ كوتەرىڭىز نەمەسە ءتىلىنىڭ تۇبىنە دەيىن ساۋساعىڭىزدى تىعىپ، قۇستىرىڭىز.

تىنىس الۋ جولىنا ءبىر نارسە تۇرىپ قالعان كەزدە:

- ونى وزىڭىزگە ارقاسىمەن قاراتىپ، ىشىنەن جايلاپ باسىڭىز. سودان سوڭ بالانى ءسال ەڭكەيتىپ، ارقاسىنان قاعىپ- قاعىپ جىبەرىڭىز.

- ەگەر قاتتى زات تۇرىپ قالسا، وندا بالانىڭ بەتىن جەرگە قاراتىپ، قولىڭىزعا جاتقىزاسىز. ءبىراق باسى كوكىرەك قۋىسىنان تومەن ورنالاسۋى كەرەك. سوسىن بوس قولىڭىزبەن جاۋىرىنىنىڭ ورتاسىنان اقىرىن ۇرىڭىز.

ەگەر بالا تىنىس الۋىن دوعارسا نە ىستەيمىز؟

- بالانى ەدەنگە ەتبەتىمەن جاتقىزامىز.

- باسىن ازداپ ارتقا قيسايتامىز.

 - يەگىن كوتەرەمىز.

ەگەر بۇل ايتقاندارىمىز مۇلدەم كومەكتەسپەسە، قولدان دەم الدىرۋ ءتاسىلىن قولدانىڭىز. ونىڭ قالاي جاسالاتىنىن تومەندەگى ۆيدەودان كورە الاسىزدار.

الدىن الۋ شارالارى

كىشكەنتاي بولشەكتەرى كوپ ويىنشىقتاردى كەيىنگە قالدىرىڭىز.

بالانىڭ قولىنا نە بولسا سونى ۇستاتىپ، اۋزىنا سالۋىنا جول بەرمەڭىز.

بالانى ۇستەل باسىندا ۇقىپتى وتىرۋعا جانە كوپ قىلجاقتاماۋعا ۇيرەتىڭىز.

بالاعا بەرەتىن تاعامدارىڭىزدى مىندەتتى تۇردە ۇككىشتەن وتكىزىڭىز. ال بالىق پەن جەمىس- جيدەكتەردى سۇيەكتەرىنەن جاقسىلاپ تازالاپ بەرىڭىز.

ءبىز بۇل جازبامىزدا تەك العاشقى كومەك كورسەتۋ جولدارىن عانا ايتتىق. قانداي جاعداي بولسا دا جەدەل جاردەم شاقىرۋدى ۇمىتپاڭىز.

massaget.kz

سوڭعى جاڭالىقتار