قىتايلىق تەرەزەدەن قۇلاعان بالانى قۇتقارىپ قالدى
بۇل تۋرالى بريتانيانىڭ Sky News تەلەارناسى حابارلادى.
ارنانىڭ بايانداۋىنشا، ۋاڭ باۋپيڭ (Wang Baoping) ەسىمدى ەر كىسى كوشەدەن ءوتىپ بارا جاتىپ، كىشكەنتاي قىزدىڭ شىڭعىرعان داۋسىن ەستىپ قالادى. ول سول بويدا تەرەزەنىڭ تورىنا ءىلىنىپ تۇرعان بالانى كورەدى. وسىدان كەيىن ول جۇگىرىپ پاتەرگە كىرەدى. سوسىن قولىنا شۆابرا الىپ، ءۇشىنشى قاباتتىڭ كارنيزىنە شىعادى. وسى جەردە تۇرىن ۋاڭ قىزدى ارعى جاعىنان اكە- شەشەسى كەلىپ، پاتەرگە قاراي قايتا تارتىپ العانشا ۇستاپ تۇرادى.
تەلەارنانىڭ مالىمەتىنە قاراعاندا، قىز وسى وقيعا كەزىندە قاتتى قورقىپ قالىپتى، ءبىراق ەشقانداي زارداپ شەكپەپتى.
وسىعان ۇقساس وقيعا بيىلعى 19 -شىلدەدە ا ق ش- تىڭ كولورادو-سپرينگس دەگەن قالاسىندا دا بولدى. وندا بەس جاسار قىز ءۇشىنشى قاباتتاعى پاتەردىڭ تەرەزەسىنەن قۇلاپ كەتىپ، جەرگە تۇسەدى. ول قولىنداعى جۇمساق ويىنشىعى - مينوننىڭ ارقاسىندا ءتىرى قالادى. پوليتسەيلەردىڭ ايتۋلارىنشا، بالانىڭ قولىنداعى جۇمساق ويىنشىق ونىڭ جەرگە قاتتى قۇلاماۋىنا سەبەپ بولعان.
ras.kz
