موڭعول مالشىسى «قۇرمەتتى پروفەسسور» اتاندى

استانا. قازاقپارات - موڭعوليانىڭ دۋندگوۆ ايماعىنا قاراستى ەردەنەدالاي سۋمىنىنىڭ تۋماسى س. سەرەندورج ەلدىڭ اۋىل شارۋاشىلىعى عىلىمدارى اكادەمياسىنىڭ «قۇرمەتتى پروفەسسور» اتاعىنا يە بولدى. 

بۇل تۋرالى Asia Russia Daily حابارلادى.

بۇعان دەيىن ەكى رەت م ح ر- دىڭ «ۇزدىك مالشى» اتاعىن ەكى رەت جەڭىپ العان جاسى ۇلعايعان باقتاشى كۇتپەگەن جەردەن وسىنداي قۇرمەت كوردى.

«ول لابوراتوريالاردا وتىرعان جوق، ونىڭ عىلىمي دارەجەسى جوق، ءبىراق اۋىل شارۋاشىلىعىن، سونىڭ ىشىندە مال شارۋاشىلىعىن دامىتۋعا سىڭىرگەن وراسان زور ۇلەسى دوكتورلار مەن پروفەسسورلاردان كەم بولماعانى لايىقتى باعالاندى»، - دەلىنگەن پورتالدىڭ وسىعان بايلانىستى حابارلاماسىندا.

ماقتاۋلى مالشىعا «قۇرمەتتى پروفەسسور» اتاعى تاپسىرىلعان راسىمگە ەردەنەدالاي سۋمىنىنىڭ اكىمشىلىگى قىزمەتكەرلەرى، قاھارماننىڭ تۋعان- تۋىستارى، بالالارى مەن نەمەرەلەرى قاتىستى. سالتانات مالشىنىڭ كيىز ءۇيى ىشىندە ءوتتى.

وسىدان كەيىن موڭعوليا مۇنداي قۇرمەتتى پروفەسسور اتاعىمەن باسقا دا مالشىلاردى ناگرادتاۋ جونىندە شەشىم قابىلدادى. ەندى مۇنداي اتاققا وسى جىلدىڭ وزىندە تاعى 4 مالشى يە بولعالى تۇر.

ras.kz