دجينسي شالبارى ايەلدى انا بولۋ باقىتىنىن ايىرۋى مۇمكىن
اسىرەسە، قىزدار جاعى دجينسيدىڭ ساۋداسىن قىزدىرادى. باسقاسى باسقا نازىك جاندىلارعا دجينسي ءتان ەمەس. جانى نازىكتەرگە ارنالىپ تىگىلگەن دجينسيدىڭ (جالپى شالبارلاردىڭ) بارلىعى تار تىگىلەدى. «دجينسى نا بەدراح» دەگەن ازعىرۋ ساياساتىنىڭ ءجۇرىپ جاتقانىن ءبىرى بىلسە، ءبىرى بىلمەيدى. بەس كۇن تاراپ، ون كۇن بۇرىمىن ورگەن قازاقتىڭ قىزدارىنا دجينسى شالبار انتيدۇنيە بولىپ ەسەپتەلەدى. دجينسيدىڭ قىزدارعا ءتان زيانىن ايتىپ وتكەندى ءجون سانادىق.
دجينس شالبارى سوزىلمايتىن قاتتى ماتەريالدان تىگىلەدى. بۇل قىزدارعا قۇرساق كوتەرىپ، انا اتاناردا زيانىن تيگىزەدى. سەبەبى، قىز بالاسى باليعات جاسقا تولعاننان باستاپ، بۋىندارى وسكەن سايىن بوساپ، ىشكى ورگانيزمى قۇرساق بايلاۋعا دايىندالا باستايدى. ال، ەگەر دە دجينسي سەكىلدى نەمەسە باسقا دا تار كيىم كيەتىن قىزداردا بۇل ۇردىسكە قارسى ارەكەت جۇرەدى. سەبەبى، الگى تار كيىم بوسايتىن بۋىندى كەرىسىنشە قاتىرىپ تاستايدى. قازىرگى كەزدەگى انا مەن بالا ءولىمىنىڭ كوبەيۋى وسىدان بولسا كەرەك. مەيلى امان قالعاننىڭ وزىندە دەنى ساۋ ۇرپاق اكەلمەسە قايتەمىز؟
ەر كىسىلەرگە دە دجينسيدىڭ تيگىزەتىن ايتارلىقتاي زيانى بار. ەگەر تار دجينس شالبار كيسە، وندا بەلدەن تومەن ورنالاسقان تامىرلار قىسىلىپ، قالىپتى جۇمىس جاساۋىن توقتاۋى بەك مۇمكىن. بۇل ءوز كەزەگىندە ءتۇرلى جىنىس مۇشەسىنىڭ اۋرۋلارىنا اكەلىپ سوقتىرادى. ەندى ەرلەرگە تار ەمەس، كەڭ دجينسي كيۋگە بولادى. سەبەبى، دجينسيدىڭ ەرلەرگە ارنالعان كەڭ تىگىلگەن تۇرلەرى بار (ەڭ دۇرىسى كيمەگەن ابزال). ال، ايەلدەردە مۇنداي تاڭداۋ جوقتىڭ قاسى.
ەندى بۇل كيىم ءتۇرىنىڭ جالپى زيانىنا كەلەيىكشى:
1) قانداي دجينسي كيىمدى الساڭىز دا سۋىقتى تەز تارتاتىن قاسيەتكە يە. سۋىقتان ەر دە، ايەل دە ءتۇرلى اۋرۋلارعا، سونىڭ ىشىندە جىنىستىق اۋرۋلارعا دۋشار بولادى.
2) دجينسيدى كيگەننەن كەيىن ول تەرىمەن تىعىز بايلانىس ورناتادى. ول تەرىنى ۇنەمى قاجايدى. دجينسيدىڭ كىرلەگەنى بىردەن تەرىگە اسەر ەتەدى. سودان تەرىنىڭ قابىنۋى - دەرماتيت اۋرۋىنا دەيىن اپارادى.
3) دجينسي قان اينالۋدى تەجەيدى. ەگەر دە تىزەرلەپ وتىرا قالساڭىز، اياعىڭىزدا مۇلدەم قان اينالۋ ءۇردىسى توقتاپ قالۋى مۇمكىن.
4) ارتىق سالماق جيناۋعا كومەكتەسەتىن نارسە ول - دجينسى. قالاي دەيسىز عوي؟ دجينسي بەل ومىرتقاداعى سەگىزكوزدى جاپسا جاپتى، جاپپاسا ول دا جوق. ودان ۇزارتسا ءدجينسيدىڭ ءسانى كەتىپ قالادى- اۋ. ال، ول بولسا مايكا مەن كويلەكتى دە دۇرىس ۇستاپ تۇرا المايدى. سول سەبەپتەن دە وكپەگە سۋىق تيگىزۋ قاۋپى اناعۇرلىم جوعارى. وسىنى ەسكەرىپ، ىشكى ورگانيزم بەلگە، وكپەگە سۋىق تيگىزبەۋ ماقساتىندا بەلگە وزىنشە ماي جيناي باستايدى. ياعني، ارتىق مايدى بەلگە جينايدى. وتىزدان اسپاي تۇرىپ قارنى شىعىپ كەتىپ جاتقانداردىڭ كوپ سەبەبىنىڭ ءبىرى وسىدان.
دجينسيدىڭ بۇدان دا وزگە زياندارى عالامتور بەتتەرىندە جەتىپ ارتىلادى. قازاقتىڭ: «كيىمنىڭ سۇلۋىنان جىلۋى جاقسى» دەگەن ءسوزىن ەسكەرىپ، دەنساۋلىققا كوڭىل بولگەنىمىز ابزال.
دەرەككوزى: ايالا بايسەيىتتىڭ facebook-تەگى پاراقشاسى
