بالانى «مەنىڭ وتانىم - قازاقستان» كىتابى وتانسۇيگىشتىككە تاربيەلەيدى - م. بايماعامبەتوۆا

كوكشەتاۋ. قازاقپارات - 1 -قىركۇيەك - ءبىلىم كۇنى كەز-كەلگەن مەكتەپ وقۋشىسى ءۇشىن ايتۋلى كۇن.
None
None

ال، وسى كۇنى 1- سىنىپ تابالدىرىعىن اتتاعان وقۋشى ءۇشىن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ اتىنان «مەنىڭ وتانىم - قازاقستان» كىتابى سىيعا الۋى باعا جەتپەس قۋانىش. بۇل تۋرالى كوكشەتاۋداعى № 18 -ورتا مەكتەپتىڭ 1- سىنىبىنا بارىپ وتىرعان ايناز بولات ەسىمدى وقۋشىنىڭ اناسى ماحاببات بايماعامبەتوۆا ءوزىنىڭ پىكىرىن ءبىلدىرىپ وتىر.

ەسكە سالا كەتسەك، بۇگىن كوكشەتاۋداعى بارلىق ءبىلىم وردالارىندا 1 -قىركۇيەك - ءبىلىم كۇنى اتالىپ وتىلۋدە. وسىنداي سالتاناتتى شارا № 18 ورتا مەكتەپ قابىرعاسىندا دا ۇيىمداستىرىلدى. بيىل اتالعان ءبىلىم ورداسىندا 160 بالا مەكتەپ تابالدىرىعىن اتتاپ وتىر. ولاردىڭ بارلىعىنا ەلباسى نۇرسۇلتان نازاربايەۆتىڭ اتىنان «مەنىڭ وتانىم - قازاقستان» كىتابى سىيعا بەرىلدى.

«ەلباسىمىز ەلىمىزدىڭ كەلەشەك ۇرپاعى ءۇشىن ۇلكەن سىي جاسادى. بالا كوڭىلى ءۇشىن بۇل ءومىرى ۇمىتىلماس، باعا جەتپەس توسىن سىي. بۇل كۇنى ءبىرىنشى سىنىپ تابالدىرىعىن اتتاعان قىزىمنىڭ قۋانىشىندا شەك بولمادى. كىتاپتىڭ بالالاردىڭ پاتريوتتىق سەزىمىن وياتىپ، وتانسۇيگىشتىككە تاربيەلەيتىن تۇستارى وتە كوپ. ءتىپتى، ۇلكەندەرگە دە وقۋعا بولادى. ەلىمىزگە تانىمال اتاقتى ادامدار مەن بۇكىل الەم قىزىعاتىن قازاقستاننىڭ سۇلۋ، باعا جەتپەس تابيعاتى جانە اسەم قالالارى جايلى كوركەم تىلمەن سۋرەتتەلىپ، بەرىلگەن. اسىرەسە، بايقوڭىر ءتارىزدى ەلىمىزدىڭ ماقتانىشىنا اينالعان تۇستارى بالانىڭ كوكىرەگىن وياتىپ، ەت جۇرەگىن ەلىم دەپ سوقتىراتىنى انىق»، - دەيدى ماحاببات بايماعامبەتوۆا.

اۆتور: اسلان وسپانوۆ

سوڭعى جاڭالىقتار