تاراز كوشەلەرىندە تاتتىمبەت پەن قۇرمانعازى كۇيلەرى وينالدى

جالپى حالىقتىق ساز قۇرالى رەتىندە دومبىرانى، ۇمىتىلا باستاعان يگى داستۇرلەردى قايتادان سانگە اينالدىرۋ جانە ۇلتتىق ونەردى ناسيحاتتاۋ ماقساتىندا وتكىزىلىپ وتىرعان وسى شارا ۇلت- اسپاپتىق ونەر ۇجىمدارى مەن دومبىرادا وينايتىن بارلىق قالا تۇرعىندارى الدىن الا بەرىلگەن حابارلامالار بويىنشا شاقىرىلدى.
ساياباقتىڭ تۋ تۇعىرى ورنالاسقان الاڭقايىنىڭ جان- جاعىنا ورىندىقتار قويىلىپ، ونەرپازدار ورنالاسادى. يمپروۆيزاتسيالانعان ساحنا اتا زاڭ ۇلتتىق ناقىشپەن ۇشتاستىرىلا وتىرىپ بەزەندىرىلەدى. شارادا تاتتىمبەت، قۇرمانعازى، دينا، سۇگىر، تۇركەش، قازانعاپ، ن. تىلەنديەۆ، ءا. جەلدىبايەۆ، ت. ب. كۇيلەرى ورىندالادى.
وبلىستىق فيلارمونيا جانىنان قۇرىلعان ۇلت- اسپاپتار وركەسترى، «شىڭ»، «قاراحان»، «ورلەۋ»، ت. ب. ۇلتتىق ونەر ۇجىمدارى دا مەرەكەلىك ءىس- شاراعا اتسالىسادى. باعدارلاما بويىنشا كۇي تارتىستى ونەر ۇجىمدارى باستاپ، ءارى قاراي جەكە ورىنداۋشىلار جالعاستىرادى. سوڭىندا بارلىعى بىرىگىپ «كوڭىل اشار» كۇيىمەن شارانى اياقتايدى.